Wednesday, February 21, 2024

बागमतीमा सामाजिक सुरक्षा भत्ता वडाबाटै वितरण सुरु

ताजा / भरखरै प्राप्त

बागमती–सर्लाहीको बागमती नगरपालिकाले सामाजिक सुरक्षा भत्ता वडाबाट वितरण सुरु गरेको छ ।

बागमती नगरपालिकाको पहलमा एनआईसी एसिया बैँक बागमती शाखाले वडा कार्यलयमै गएर सामाजिक सुरक्षा भत्ता वितरण गर्न लागेको हो । यसरी वडाबाटै समाजिक सुरक्षा भत्ता वितरण गर्दा लाभग्राहीले सुविभा पाउने नगरपालिकाले जनाएको छ । यस पहिला नगरका सम्पुर्ण लाभग्राही पुर्व पश्चिम राममार्ग स्थित कर्मैया पुग्नु पर्ने बाध्यता रहेको थियो ।

यसबाट अत्यन्त सकस भोगेका बृद्ध, बृद्धा तथा अपांगता भएका लाभग्राही धेरै समस्यामा परेका बागमती नगरपालिकका मेयर भरत कुमार थापाले बताए । सामाजिक सुरक्षा भत्ता सम्मान र सुबिधा भन्दा पनि लाभग्राहीको लागि सजाय जस्तो भएकोले, थोरै भएपनि सुविधा दिन बैँक सगँ समन्वय गरेर वडाबाट वितरणको ब्यवस्था गरिएको उन्ले जानकारी दिए ।

यस पहिला सामाजिक सुरक्षा भत्ता लिने लाभग्राहीले धेरै टाडाबाट महंगो भाडा तिरेर पटक–पटक धाउनु परेको गुनासो गर्ने गरेका थिए । २०७४ मा निर्वाचित भएलगतै मेयर थापाको समन्वयमा घर–घरमै पुगेर सामाजिक सुरक्षा भत्ता वितरण अएको थियो । त्यस पछि ब्यवस्थि गर्ने गरी नगरपालिकामै रहेको बागमती सहकारीबाट सहज ढंगले सुरक्षा भत्ता वितरण भएको थियो ।

सहकारीबाट भएको वितणको चर्को वितरण भएपछि नगरले कर्मैयामा रहेको एनआईसी एसियाको शाखालाई जिम्मा लगाएको थियो । बैँकमा अत्यधिक भिड र थोरै जनशक्तिका कारण लाभग्राहीले अत्यन्त सास्थी बेहोर्दै आएका थिए । नगरपालिकाले सुरक्षा ब्यवस्था, यातायातको प्रवन्ध तथा वडाकार्यलयमा ईन्टरनेटको ब्यवस्थागर्ने गरी वडाबाट भत्ता वितरण सुरुगर्न लागिएको बैँक शाखा प्रमुख बालक घिमिरेले जानकारी दिए ।

बैँकले सार्वजनिक गरेको सूचना अनुसार पुस २८ र २९ गते वडा नम्बर ११ को बैँक शाखा कार्यलय कर्मैयाबाट सामाजिक सुरक्षा भत्ता वितरण भईरहेको छ । यस्तै माघ २ र ३ गते वडा नम्बर १२ को र ४ र ५ गते वडा नम्बर ४ को पनि कर्मैयामा रहेको बैँक शाखाबाटै सुरक्षा भत्ता वितरण हुने भएको छ ।

यस्तै माघ ९ र १० गते वडा नम्बर ५ को, ११ र १२ गते वडा नम्बर ६ को, १३, १४ र १५ गते वडा नम्बर ७ को, खाल्टे बजारमा रहेको सम्यूक्त वडा कार्यलयबाट भत्ता वितरण हुने छ । यस्तै माघ १६ र १७ गते वडा नम्बर ८ को, १८ र १९ गते वडा नम्बर ९ को, २० देखी २२ गते सम्म वडा नम्बर १० को शंकरपुर स्थित सोल्टी बजारमा रहेको सम्यूक्त वडा कार्यलयबाट भत्ता वितरण गरिने बैँकले जनाएको छ ।

यस्तै माघ २३ र २४ गते वडा नम्बर १ को, २५ र २६ गते वडा नम्बर २ को र २७ देखी २९ गते सम्म वडा नम्बर ३ को सम्यूक्त वडा कार्यलय ढुंग्रेखोलाबाट वितरण हुने बैँक प्रशासनले सूचना मार्फत जानकारी गराएको हो । यसबाट लाभग्राही समेत खुसी भएका छन् ।

भत्ता लिन आउदा नागरिकताको फोटो कपी, भत्ता कार्डको फोटो कपी र पहिलो पटक भत्ता दिन आउने लाभग्राहीले दुई प्रति फोटो समेत लिएर आउनु बैँक प्रशासनले अनुरोध गरेको छ ।

spot_imgspot_img
spot_img

लोकप्रिय

Related Articles