धन्काैल। नेपाली कांग्रेसका सभापति गगनकुमार थापाले देश बनाउने काम एक जनाबाट मात्र सम्भव नभएकाले सबैलाई मिलाएर लैजाने बताएका छन् ।
सभापति थापाले भने, “देश एक्लैले बनाउने होइन । यो सामूहिक प्रयास र सङ्कल्पबाट मात्रै सम्भव हुन्छ । एउटा व्यक्तिले देश बनाउने भए पहिले नै राजा महाराजाले बनाइसक्ने थिए । यसर्थ देशमा रहेका सबै दललाई मिलाएर परिवर्तनका लागि हातेमालो गर्नेछु । त्यसको भूमिका मेरो पार्टी र मैले पूरा गर्नेछु ।”
उनले आफू निर्वाचन क्षेत्र नपाएर सर्लाही नआएको बताउँदै उनले काठमाडौँ क्षेत्र नं ४ जस्तो आफ्नो बलियो जनधार रहेको सजिलो क्षेत्र छाडेर आएको बताए । “मलाई अझ बढी मधेस बुझ्नु छ । यहाँको पीडा बुझ्नु छ । यहाँका समस्याबारे धेरै कुरा उठिसकेका छन्, म समाधान गर्छु भनेर आएको हुँ”, सभापति थापाले भने ।
_BQQvOkuXtk.gif)
आफ्नो पार्टीले विश्वास गरेर प्रधानमन्त्रीमा अगाडि सारेको उल्लेख गर्दै उनले अब देशभरबाट पार्टीलाई सहयोग गरेर त्यसमा समर्थन प्राप्त हुनेमा विश्वस्त रहेको बताए । प्रधानमन्त्रीको जिम्मेवारी नपाए पनि आफूले सर्लाही क्षेत्र नं ४ को विकासमा प्रतिबद्ध भएर काम गर्ने उनको भनाइ थियो ।
