बरहथवा–सर्लाहीको बरहथवा नगरपालिका स्थित मुर्तियामा रहेको दुर्गा सरस्वती जनता माध्यामिक विद्यालयका छात्रछात्रालाई विभिन्न सामाग्री वितरण गरिएको छ ।
मङ्गलवार बरहथवा नगरपालिका–१०, किसनपुर स्थित कटानीमा रहेको दुर्गा सरस्वती जनता माध्यामिक विद्यालय प्राङ्गणमा आयोजित कार्यक्रमका बीच १३३ जना छात्रछात्राहरूलाई विभिन्न सामाग्री वितरण गरिएको हो । युएनडिपी र चाइना एडको सम्यूक्त सहयोगमा विद्यार्थीहरूलाई झुल, कम्बल, टर्चलाइट र त्रिपाल वितरण गरिएको विद्यालयका प्रधानाध्यापक राम बालक सिंहले जानकारी दिनुभयो ।
बालबालिकाहरूलाई दैनिक आवश्यक सामाग्री प्रदान गरेको भन्दै सहयोगी संस्था प्रति विद्यालय व्यवस्थापन समितिले धन्यवाद समेत ज्ञापन गरेको थियो । यसले बालबालिकाहरूलाई पठनपाठनमा सहयोग पुग्ने अभिभावकहरूको प्रतिकृया थियो । यस विद्यालयमा अधिकांश स्थानीय विपन्न परिवारका बालबालिका पठनपाठन गर्ने गर्दछन् ।
