राजु तामाङ, बागमती–सर्लाहीको बागमतीमा प्रथम जिरायत कप फुटबल प्रतियोगिता आयोजना हुने भएको छ ।
बागमती नगरपालिका–४, जिरायतमा यही मंसिर १० गतेबाट प्रथम जिरायत कप सुरु हुनलागेको आयोजक ॐ युवा क्लबले जनाएको हो । शनिबार एक सूचना जारी गर्दै आयोजक क्लबले मंसिर ९ गते सम्म प्रतियोगितामा भाग लिन चाहने क्लबहरूलाई नाम दर्ता गराई सक्न समेत सूचना मार्फत अनुरोध गरिएको छ ।
प्रतियोगिता कहिले सम्म सञ्चालन हुन्छ । भन्ने कुरा सहभागि टिम यकिन भएपछि जानकारी गराइने प्रतियोगिताको खेलकुद संयोजक मनोज रसाइलीले जानकारी दिए । प्रतियोगिता फिफाको नियम अनुसार खेलाइने सूचनामा उल्लेख छ । क्लबले प्रतियोगिताको टिम दर्ता शुल्क भने ४ हजार कायम गरेको जनाएको छ ।
प्रतियोगिताको विजेता टिमले नगद ५० हजार ५१ रुपैयाँ र शिल्ड, मेडल तथा प्रमाणपत्र प्राप्त गर्नेछ । भने, उपविजेताले नगद २५ हजार ५१ रुपैयाँ सहित शिल्ड, मेडल र प्रमाणपत्र प्राप्त गर्नेछ । स्थानीय स्तरमा खेल क्षेत्रको विकास गर्ने उद्देश्य सहित प्रतियोगिता आयोजना गरिएको क्लबले जनाएको छ ।
