बागमती–सर्लाहीको बागमती नगरपालिका स्थित पुरानो चौकीमा भएको तेल बोक्ने टयाङ्कर दुर्घटनामा दुई बालक घाइते भएका छन् ।
बुधबार पूर्व पश्चिम राजमार्ग स्थित बागमती नगरपालिका–२, पुरोनो चौकीमा तेल बोक्ने खाली टयाङ्कर दुर्घटना भएको हो । दुर्घटनामा पूर्वबाट पश्चिम जाँदै गरेको प्रदेश १–०२–००१ ख ८८८७ नम्बरको टयाङ्करमा सवार बागमती नगरपालिका–४, बस्ने हेम बहादुर मगरका छोरा १४ वर्षका प्रितम मगर र सोही स्थानका कुमार कार्कीका १४ वर्षका छोरा प्रेम कार्की घाइते भएका हुन् ।
घाइते मध्य मगरको टाउको चोट लागेकोको बागमती मोडल अस्पतालमा सामान्य उपचार पछि थप उपचारको लागि वीरगञ्ज रेफर गरिएको प्रहरीले जनाएको छ । भने, अर्का बालकको टाउको र छातीमा चोट देखिएको इलाका प्रहरी कार्यालय कर्मैयाले जनाएको हो । टयाङ्कर आफै अनियन्त्रित भइ सडक किनारमै पल्टिएको थियो ।
घटनाको विषयमा थप अनुसन्धान भइरहेको जिल्ला प्रहरीका प्रवक्ता प्रहरी नायब उपरीक्षक दीपक श्रेष्ठले जानकारी दिए । टयाङ्कर चालक बाराको सिमरा उपमहानगर पालिका–२२, वस्ने ३२ वर्षका पञ्चलाल रुम्बालाई प्रहरीले नियन्त्रणमा लिएको छ ।
