बागमती–सर्लाहीको बागमतीमा जारी प्रथम जिरायत कप जिल्ला स्तरीय फुटबल प्रतियोगितामा अन्तरगत आज पनि दुई खेल हुने भएको छ ।
बुधबारको पहिलो खेलमा आयोजक (बि) र ॐ शान्ति युवा क्लब हरिवन–६ तथा दोस्रो खेलमा आइडियल कोएड लालबन्दी र समृद्ध युवा क्लब जुअवा कोल्हवी बारा बिच प्रतिस्पर्धा हुने आयोजकले जनाएको हो । आयोजकका अनुसार पहिलो खेल दिउसो १ बजे र दोस्रो खेल दिउसो ३ बजेबाट सुरु हुने छ ।
प्रतियोगिता अन्तरगत मङ्गलबारको खेलमा बागमती फुटबल एकेडेमी र रतनपुर युनाइटेड विजयी भएको हो । बागमती नगरपालिका–४, स्थित ॐ युवा क्लबको खेल मैदानमा भएको पहिलो खेलमा बागमती फुटबल एकेडेमी, जनशक्ति युवा क्लब सँग ट्राइबेकरमा ३–२ गोल अन्तरले विजयी भयो । भने, दोस्रो खेलमा रतनपुर युनाइटेड क्लबले जुनतारा युवा क्लब डाबारीलाई २–१ गोल अन्तरले पराजित गर्यो ।
मंसिर २० गते फाइनल प्रतिस्पर्धा हुने खेलको विजेता टोलीले नगद ५० हजार ५१ रुपैयाँ सहित प्रथम जिरायत कप, मेडल र प्रमाणपत्र तथा उपविजेता टोलीले नगद २५ हजार ५१ रुपैयाँ शिल्ड मेडल र प्रमाणपत्र प्राप्त गर्ने क्लबका अध्यक्ष जित बहादुर विश्वकर्माले जानकारी दिए ।
‘‘राष्ट्रका लागि खेलकुद, स्वास्थ्यको लागि खेलकुद’’ भन्ने नारा सहित स्थानीय स्तरमा खेल क्षेत्रको विकास तथा खेलाडीको प्रोत्साहनको उद्देश्य सहित प्रतियोगिता आयोजना गरिएको क्लबले जनाएका हो ।
