लालबन्दी–सर्लाहीको लालबन्दीबाट तयारी झ्याल ढोका सहित ट्रयाक्टर र चालक नियन्त्रणमा लिएको छ ।
बिहीबार लालबन्दी नगरपालिका–११, हिरापुर स्थित सडक खण्डबाट अवैध तयारी १२ थान झ्याल र ११ थान ढोका सहित ट्रयाक्टर र चालकलाई प्रहरीले नियन्त्रणमा लिएको हो । दिउसो इलाका प्रहरी कार्यालय लालबन्दी र प्रहरी चौकी पत्थरकोटबाट खटिएको प्रहरी टोलीले चेक जाँचका क्रममा सिन्धुलीको मरिनबाट सर्लाहीको लालबन्दी आउदै गरेको प्रदेश २–०३–००१ त १५०७ नम्बरको ट्रयाक्टरबाट उक्त परिमाणमा सालको काठबाट तयार झ्याल ढोका बरामद गरेको प्रहरीले जनाएको छ ।
बरामद सालको काठको झ्याल ढोका सहित ट्रयाक्टरको राजश्व मूल्य ६ लाख ७४ हजार ८ सय कायम गरी चालक सिन्धुलीको मरिण गाउँपालिका–४, जुटपानी टोल बस्ने २३ वर्षका सविन बम्जनलाई समेत आवश्यक कारवाहीको लागि डिभिजन वन कार्यालयको जिम्मा लगाएको प्रहरीले जनाएको हो ।
