लालबन्दी–सर्लाहीको लालबन्दी नगरपालिका स्थित करैया निवासी एक पुरुष मृत फेला परेका छन् ।
शनिवार बिहान लालबन्दी नगरपालिका–४, करैया निवासी ५५ वर्षीय धयनवा चौधरी लालबन्दी नगरपालिका–७, तरकारी बजार नजिकै मृत फेला परेका हुन् । बिहान पाकर गाछीको चौतारामा चौधरी मृत फेला परेपछि स्थानीयले प्रहरीलाई खवर गरेका थिए । लगतै पुगेको इलाका प्रहरी कार्यालय लालबन्दीको टोलीले चौधरीको शव घटनाको प्राकृति मुचुल्का पछि परीक्षणको लागि प्रादेशिक अस्पताल मलङ्गवा पठाएको जनाएको छ ।
मृतक चौधरी अत्यधिक मदिरा सेवन गरेर हिड्ने गरेको पारिवारीक श्रोतले जनाएको प्रहरीले उल्लेख गरेको हो । घटनाको विषयमा थप अनुसन्धान भइरहेको इलाका प्रहरी कार्यालय लालबन्दीका प्रहरी निरीक्षक सुजन पाठकले जानकारी दिए ।
