चक्रघट्ट– सर्लाहीको चक्रघट्ट गाउँपालिका स्थित पटेर्वामा भएको आगलागीबाट घर भित्र रहेका सरसामग्री जलेर नष्ट भएको छ ।
बिहीबार मध्यराति जिल्लाको चक्रघट्ट गाउँपालिका–७, पटेर्वा बस्ने राज किशोर रायको घरमा आगलागी हुँदा सात लाख बराबरको क्षति भएको छ । खाना पकाउन बालेको आगो चुलोबाट घरमा सल्कँदा घर भित्र रहेको दाउरा, भुस, काठ पूर्ण रुपमा जल्दा ७ लाख बराबरको धनमाल नष्ट भएको प्रहरीले जनाएको हो ।
आगो स्थानीय, प्रहरी, मलङ्गवा नगरपालिकाको दमकल, लगायतको सहयोगमा नियन्त्रणमा आएको थियो । आगो समयमै नियन्त्रणमा आएकोले थप क्षति नभएको जिल्ला प्रहरी कार्यालय सर्लाहीले जनाएको हो ।
