बसवरिया-सर्लाहीको बसवरिया गाउँपालिका स्थित झाझ खोलामा डुबेर एक बालकको ज्यान गएको छ ।
शुक्रबार दिउसो बसवरिया गाउँपालिका–४, गोनर्वा निवासी सुरेन्द्र भण्डारीको १० वर्षीय छोरा चन्दन भण्डारीको नुहाउने क्रममा झाझ खोलामा डुबेर ज्यान गएको हो । खोलामा नुहाउन पुगेका बालक डुबेर बेपत्ता भएका थिए । तत्काल स्थानीय र प्रहरीको सहयोगमा उद्धार गरी बालकलाई बरहथवा स्थित हनुमन्त अस्पताल पु¥याएका थिए ।
अस्पताल पु¥याए पछि चेकजाँचका क्रममा चिकित्सकले बालकलाई मृत घोषणा गरेका जिल्ला प्रहरी कार्यालय सर्लाहीका प्रवक्ता प्रहरी नायब उपरीक्षक दीपक श्रेष्ठले जानकारी दिए । बालकको शव परीक्षणको लागि प्रादेशिक अस्पताल मलङ्गवा लैजाने तयारी भएको इलाका प्रहरी कार्यालय बरहथवाका प्रहरी निरीक्षक दिवाकर गणेशले बताए ।
घटनको विषयमा थप अनुसन्धान भइरहेको प्रहरीले जनाएको छ ।
