ईश्वरपुर-सर्लाहीको ईश्वरपुर नगरपालिका स्थित सुकनाह पोखरीमा डुबेर एक महिलाको मृत्यु भएको छ ।
ईश्वरपुर नगरपालिका–१५, सुकनाह बस्ने पल्टु साहकी श्रीमती ६० वर्षकी सुमित्रा साहको सुकनाह पोखरीमा डुबेको अवस्थामा फेला परेकी हुन् । आज साँझ घर नजिकैको पोखरीमा डुबेको अवस्थामा स्थानीयले देखेपछि प्रहरीलाई खवर गरेका जिल्ला प्रहरीका प्रवक्ता प्रहरी नायब निरीक्षक दीपक श्रेष्ठले जानकारी दिनुभयो ।
प्रहरीका अनुसार सुमित्रा हिजो साँझ नै एक्कासि घर छोडेर हिँडेकी थिइन । लगतै खोजी गरेको भएपनि फेला पर्न नसकेको मृतक महिलाका श्रीमान पल्टुको भनाई छ । घटनाको विषयमा जानकारी पाउने बितीकै घटना स्थल पुगेको प्रहरी टोलीले सुमित्राको शप मुचुल्का पछि प्रादेशिक अस्पताल पठाएको जनाएको छ ।
घटनाका विषयमा थप अनुसन्धान भइरहेको जिल्ला प्रहरीका प्रवक्ता श्रेष्ठले बताउनु भयो ।
