बागमती–सर्लाहीको बागमती नगरपालिका स्थित धरहरामा रहेको जनवत्सलेभुवनेश्वरी मन्दिर व्यवस्थापन समिति गठन गरिएको छ ।
बुधबार बागमती नगरपालिका–२, धरहरा स्थित मन्दिर प्राङ्गणमा आयोजित पहिलो वार्षिक साधारण सभा मार्फत मन्दिरको व्यवस्थापन समिति गठन गरिएको हो । सभाले निवर्तमान अध्यक्ष शिवप्रसाद चालिसेको अध्यक्षतामा ९ सदस्य व्यवस्थापन समिति गठन गरेको हो ।
सभा बागमती नगरपालिका–२, का वडाध्यक्ष टेक बहादुर बलको प्रमुख आतिथ्यमामा सम्पन्न भएको हो । आर्थिक वर्ष २०८०/८१ मा भएको मन्दिरको आयव्यय समितिका कोषाध्यक्ष गीता बहादुर भट्टराईले सभा समक्ष प्रस्तुत गरेका कार्यक्रमका सहजकर्ता ज्ञानेन्द्र बहादुर रायमाझीले बताए ।
कार्यक्रममा स्थानीय समाजसेवी रामहरि थापा, गोविन्द बहादुर रायमाझी, हरिकृष्ण बोहरा लगायतले मन्तव्य राखेका थिए ।
