बागमती–सर्लाहीको बागमतीमा रहेको जनवाल कल्याण माध्यामिक विद्यालय धरहराको विद्यालय व्यवस्थापन समिति गठन भएको छ ।
बुधवार बागमती नगरपालिका–२, धरहरा स्थित विद्यालय परिसरमा आयोजित अभिभावक भेलाले आगामी कार्यकालको लागि टङ्क बहादुर बोहराको अध्यक्षतामा ९ सदस्य व्यवस्थापन समिति गठन गरेको हो । बागमती नगरपालिकाका शिक्षा शाखा प्रमुख मीन प्रसाद उपाध्यायको प्रमुख आतिथ्यमा सम्पन्न भेलाले पुनः बोहराको अध्यक्षतामा व्यवस्थापन समिति गठन गरेको प्रधानाध्यापक प्रकाश बहादुर जिम्बाले जानकारी दिए ।
भेलाले व्यवस्थापन समितिको सदस्यहरूमा सावित्रा कुमारी क्याप्छाकी, राम कुमार राउत, र बबिता कुमारी महतो, गीता बहादुर भट्टराई, लक्ष्मी तामाङलाई चयन गरेको हो । यस्तै पदेन सदस्यमा वडाध्यक्ष टेक बहादुर बल, शिक्षक प्रतिनिधिमा निर्मल तिमलसिना र सदस्य सचिवमा प्रधानाध्यापक प्रकाश बहादुर जिम्बा चयन भए । भेलाको उद्घाटन सत्र निवर्तमान अध्यक्ष बोहराको अध्यक्षतामा सम्पन्न भएको थियो ।
यसैबीच भेलाको बन्द सत्र नगरपालिकाको शिक्षा विभाग संयोजक राजकुमार विश्वकर्माकाे अध्यक्षतामा सम्पन्न गरिएको विद्यालयका प्रधानाध्यापक जिम्बाले जानकारी दिए । बोहराको कार्यकालमा विद्यालयको भौतिक तथा शैक्षिक स्तर सुधारमा कायापलट भएको अभिभावकहरूको भनाई थियो । अध्यक्ष बोहराले गत कार्यकालमा गर्नुभएको योगदानको मुल्यांकन सहित आगामी कार्यकाल जिम्मा लगाएको स्थानीय अभिभावक चतुरमान वाइबाले बताए ।
भेलामा स्थानीय अभिभावकहरूको उत्साह जनक उपस्थित रहेको विद्यालयले जनाएको छ ।भेलामा स्थानीय जनप्रतिनिधि, समाजसेवी, शिक्षक शिक्षिका, अभिभावक लगायतको आतिथ्यता रहेको कार्यक्रम सञ्चालक समेत रहेका शिक्षक निर्मल तिमल्सेनाले जानकारी दिए ।
