परवानीपुर–सर्लाहीको लालबन्दी नगरपालिका स्थित रानिगंज–परवानीपुर सडक खण्डमा गुडिरहेको स्कुटरमा एक्कासि आगलागी भएको छ ।
आइतबार लालबन्दी नगरपालिका–१७, रानिगंज–परवानिपुर भित्री सडकमा स्कुटरमा आगलागी भएको हो । आगलागीबाट लालबन्दी नगरपालिका–१५, परवानिपुर बस्ने ५० वर्षका सुमन लामाको प्रदेश–०२–०२५ प ६७८१ नम्बरको स्कुटर पूर्णरुपमा नष्ट भएको इलाका प्रहरी कार्यालय लालबन्दीले जनाएको हो ।
परवानीपुरबाट चलाएर रानीगन्ज आँउदै गरेको स्कुटर बाटोमा एक्कासि बन्द भएको र फेरी स्टार्ट गर्न खोज्दा आगोलागेकाे लामाले बताए । स्कुटरमा लागेको आगो स्थानीयले निभाए पनि स्कुटर जोगाउन भने नसकेको प्रहरीले जनाएको छ । घटना लगतै पुगेको प्रहरीको टोलीले घटनाको विषयमा अनुसन्धान गरिरहेको जनाएको छ ।
