मलंगवा–जिल्ला प्रशासन कार्यलय सर्लाहीले राष्ट्रिय परिचय पत्र लिन आउन आग्रह गरेको छ ।
आईतबार एक सूचना जारी गर्दै जिल्ला प्रशासन कार्यलय सर्लाहीले राष्ट्रिय परिचय पत्र लिन आग्रह गरेको हो । २०८० साल असार मसान्त भित्र राष्ट्रिय परिचय पत्र बनाउन फोटो खिचाएका मलंगवा नगरपालिकाका नागरिकहरुलाई परिचय पत्र छापिएकोले लिन आउन सूचना मार्फत जानकारी गराएको हो ।
कार्यालयमा सेवा ग्राहिहरुको भिड अत्यधिक रहने गरेको भन्दै आवश्यक्ता अनुसार पालैपालो वितरण गरिने जिल्ला प्रशासन कार्यालयले सूचनामा उल्लेख गरेको छ । कार्यालयको सूचना अनुसार साउन १५ गते वडा नम्बर १ र ३, १६ गते वडा नम्बर २ र ९, १७ गते वडानम्बर ५ र ८, १८ गते वडा नम्बर ६ र ७, २० गते वडा नम्बर ४ र १० र २१ गते वडा नम्बर वडा नम्बर ११ र १२ को परिचय पत्र वितरण गरिने उल्लेख गरिएको हो ।
आवश्यक्ता अनुसार कार्यालयले समय तालिका हेरफेर गर्न सक्ने भएकाले राष्ट्रिय परिचय पत्र लिन आउनु पुर्व वडा कार्यलयमा सम्पर्क गर्न समेत सूचनामा भनिएको छ । जिल्ला प्रशासन कार्यालय सर्लाहीले नागरिक सम्म सहज सूचना पहुच पुर्याई दिन वडा कार्यालयलाई परिपत्र समेत गरेको छ ।
