Wednesday, February 21, 2024

मोटरसाईकल दुर्घटनामा परेका संचारकर्मी यादव रहेन्न

ताजा / भरखरै प्राप्त

बरहथवा–सर्लाहीको बरहथवामा भएको मोटरसाईकल दुर्घटनामा परेर एक पत्रकारको ज्यान गएको छ । भने, दुईजना घाईते भएका छन् ।

शनिवार साझ बरहथवा–मधुवनी सडक खण्ड अन्तरगत बरहथवा नगरपालिका–८, टाँडी स्थित गर्जाह पुलमा भएको मोटरसाईकल दुर्घटनामा धन्कौल गाउँपालिका–४, महिनाथपुर निवासी २१ बर्षिय अभिषेक यादवको मृत्यु भएको हो । शनिवार रिर्पोटिङ सकेर बागमतीबाट फर्कदै गर्दा यादव सवार मधेश प्रदेश ०३–०८ प ७४९६ नम्बरको मोटरसाईकललाई विपरित दिशाबाट आउदै गरेको भारतिय नम्बर प्लेट भएको बिआर ३० एक्स ८९८८ नम्बरको मोटरसाईकले ठक्कर दिएको थियोे ।

दुर्घटनामा टाउँकोमा गम्भिर चोट लागेका उन्लाई न्युरो अस्पताल कलैया पुर्याइएको थियो । उन्को उपचारकै क्रममा आईतवार दिउसो ज्यान गएको ईलाका प्रहरी कार्यलय बरहथवाले जनाएको हो । यस्तै घटनामा यादव सवार मोटरसाईकलका चालक धन्कौल–४, महिनाथपुर निवासी २७ बर्षका रुपेश यादव र ठक्कर दिने ८९८८ नम्बरको मोटरसाईकलका चालक ३७ बर्षका रामजनक चौधरी सामान्य घाईते भएका थिए ।

उनीहरु दुवै जना स्थानीय स्वास्थ्य संस्थामा सामान्य उपचार पश्चात घर फर्किसकेका छन् । मृतक यादव प्रेस सेन्टर नेपाल जिल्ला समन्वय समिति सर्लाहीका कार्यसमिति सदस्य समेत हुन् । उन्ले स्थानीय रेडियो स्टेशनबाट पत्रकारिता सुरु गरेका हुन् । उनी पछिल्लो समय कुशल कृकेट कमेन्टेटरका रुपमा समेत स्थानीय स्तरमा परिचित थिए ।

पत्रकार यादव केही समय देखी सर्लाहीबाट मधेश पार्टी अनलाईनमा काम गरिरहेका थिए । उनको असामयिक निधनले संगठनसगैँ सिंगो समाजलाई गम्भिर क्षती पुगेको प्रेस सेन्टरका जिल्ला समन्वय समिति सर्लाहीका अध्यक्ष श्रवण थापाले बताए । प्रेस सेन्टर नेपाल जिल्ला समन्वय समिति सर्लाहीले मृतक यादव प्रति हार्दिक श्रद्धाञ्जली ब्यक्त गर्दै, शोकाकुल परिवारजन प्रति सम्बेदना प्रकट गरेको छ । साथै घटनाको सत्यतथ्य छानविन गरी पिडितलाई न्याय दिन समेत आग्रह गरेको छ ।

spot_imgspot_img
spot_img

लोकप्रिय

Related Articles