हरिवन–सर्लाहीको हरिवन नगरपालिका स्थित वडा कार्यलयले कृषि सहकारीलाई अनुदानमा ट्रयाक्टर हस्तान्तरण गरेको छ ।
शुक्रवार एक कार्यक्रमका विच हरिवन नगरपालिका–५, नम्बर वडाले आफ्नै वडामा रहेको साना किसान कृषि सहकारी संस्थालाई अनुदानमा ट्रयाक्टर हस्तान्तरण गरेको हो । आफ्नो वडामा अधिकांस परिवार कृषिमा आधारित रहेको र उनीहरुलाई प्रत्यक्ष लाभपुर्याउने उध्यश्यले ट्रयाक्टर हस्तान्तरण गरिएको वडाध्यक्ष नागेन्द्र साहले जानकारी दिए ।
वडाध्यक्ष साहका अनुसार नगरको ८० प्रतिशत बराबर १० लाख र सहकारी संस्थाको २० प्रतिशत अर्थात २ लाख ५ हजार लागतमा ट्रयाक्टर खरिद गरिएको हो । यस ट्रयाक्टरबाट उक्त संस्थामा आवद्ध ९ सय ९३ सदस्यले सेवा लिन सक्ने वडा कार्यलयले जनाएका छ । कृषिमा प्रयाप्त लगानी हुननसकिरहेको गुनासोका विच वडाको बजेटबाट किसानलाई अनुदान दिईएको वडाध्यक्ष साहको भनाई छ ।
यस क्षेत्रका अधिकांस नागरिक तरकारी जन्य खेतीमा आवद्ध रहेका छन् । पछिल्लो समय किसानहरु गोरु पाल्न छोडेर ट्रयाक्टर तर्फ आकर्षित हुदै गएका छन् । ट्रयाक्टर जोताईको महंगो भाडा तिर्नुपरिरहेको किसानहरुको गुनासो रहदै आएको कृषि सहकारीका अध्यक्ष रामलाल महतोले जानकारी दिए । अध्यक्ष महतोका अनुसार संस्थाले ट्रयाक्टर प्रयोग कार्यविधि बनाएर सदस्यहरुलाई सस्तोमा सेवा प्रवाह गर्नेछ ।
हरिवन नगरपालिकाका मेयर रमेश बुढाथोकी (कमल) को प्रमुख आतिथ्यता र वडा अध्यक्ष साहको अध्यक्षतामा भएको कार्यक्रममा स्थानीय समाजसेवी तथा एकीकृत समाजवादी पार्टीका जिल्ला अध्यक्ष सुरेन्द्र लामा उपमेयर हरिमाया घलान, प्रमुख प्रशासकीय अधिकृत सुरेन्द्र प्रदान, समाजसेवी तथा बागमती सेवा समाजका अध्यक्ष भरत कुमार कार्की लगाएतको आतिथ्यता रहेको थियो ।
कार्यक्रममा आर्थिक विकास संयोजक तथा ४ नम्बरका वडाध्यक्ष केशवराज थापा, ६ नम्बरका वडाध्यक्ष सन्तलाल घिसिङ, युवा समाजसेवी सिङ्ग योन्जन, लगाएत वडाबासी किसानहरुको समेत उल्लेख्य उपस्थिति रहेको थियो ।
