Wednesday, February 21, 2024

सर्लाहीमा प्रहरी हिरासतमा रहेकी महिला थुनुवाद्वारा आत्महत्या

ताजा / भरखरै प्राप्त

सर्लाही-सर्लाहीमा प्रहरी हिरासतमा रहेकी एक थुनुवाले आत्महत्या गरेकी छिन् ।

बिहिवार राती जिल्ला प्रहरी कार्यलयको हिरासतमा रहेकी थुनुवा चक्रघट्ट गाउँपालिका–८, निवासी ४० बर्षकी हजरत खातुनले आत्महत्या गरेकी हुन् । उन्ले थुनुवा कक्षको शौचालयको ढाकामा सलको पासो लगायर आत्महत्या गरेको जिल्ला प्रहरी कार्यलय सर्लाहीका प्रवक्ता एवं डिएसपी कैलाश राईले जानकारी दिए ।

राती १० बजेको समयमा शौचालय गएकी खातुन निकै बेरसम्म ननिस्कीय पछि प्रहरीले शौचालयको ढोका फेडेको थियो । ढोका खोल्दा उनी सलको पासो लगाएर ढोकामा झुन्डिएको अवस्थामा फेला परेकी थिईन् । प्रादेशिक अस्पताल मलंगवामा पुर्याएर उपचारको क्रममा उन्को ज्यान गएको प्रहरीले जनाएको हो ।

गत ३ श्रावणमा खातुन् सहित दुईजनालाई शसस्त्र प्रहरीले मलंगवा नगरपालिका–८, झिलिमिलियामाई नजिकै नेपाल–भारत सिमाक्षेत्रबाट श्रोत नखुलेको रकम र चाँदीसहित पक्राउ गरेको थियो । पक्राउ परेका अर्का पुरुष चक्रघट्टा गाउँपालिका ८ का ३२ बर्षका राम केवल राय रहेको प्रहरीले जनाएको छ । उनीहरुको साथबाट श्रोत नखुलेको ५ लाख ४ हजार नेपाली रुपैँया र ५ सय ८७ ग्राम चाँदी बरामद् भएको थियो ।

पक्राउ परेका दुबैलाई प्रहरीले ३ गते बुधवार नै भन्सार कार्यालय मलंगवा बुझाएको जनाएको छ । मलंगवा भन्सार कार्यलयले ४ गते बिहिवार घटनामा संलग्न ठहर सहित पक्राउ परेका दुई मध्य खातुनलाई ३ लाख ३९ हजार धरौटि तोकेको थियो । आफन्तका अनुसार खातुनले धरौटि बापतको रकम बुझाउन सकिन्न ।

त्यसपछि जिल्ला भन्सार कार्यलयले उन्लाई जिल्ला प्रहरी कार्यलय सर्लाहीको हिरासतमा पठाएको थियो । मृतक खातुनको माईती पक्ष आउने क्रममा रहेकोले सव परिक्षण पछि आफन्तको जिम्मा लगाउने तयारी भईरहेको जिल्ला प्रहरी कार्यालयका प्रवक्ता एवं डिएसपी राईले जानकारी दिए । घटनाको थप अनुसन्धान भईरहेको उन्को भनाई छ ।

spot_imgspot_img
spot_img

लोकप्रिय

Related Articles