हरिवन–सर्लाहीको हरिवन नगरपालिका स्थित पर्यटकिय क्षेत्र बनवाटिकामा शालिक अनावरण, बृक्षा रोपण तथा सम्मान कार्यक्रम सम्पन्न गरिएको छ ।
मंगलवार एक कार्यक्रमका विच हरिवन नगरपालिका–८, स्थित बनवाटिका क्षेत्रमा शालिक अनावरण गरिएको हो । बनवाटिका परिसरमा निर्माण गरिएको पृथ्वीनारायण शाह, बि.पि. कोईराला, मनमोहन अधिकारी, पुष्पलाल श्रेष्ठ र मदन भण्डारीको शालिक अनावरण गरिएको हो । शालिकको पुर्व संस्कृति, पर्यटन तथा नागरिक उड्यन मन्त्री तथा एमाले सचिव योगेश भट्टराईले अनावरण गरे ।
सोही अवसरमा बनवाटिका क्षेत्रमा बृक्षा रोपण समेत गरिएको छ । शिबेश्वर सामुदायिक बन उपभोक्ता समुहको समेत समन्वयमा भएको बृक्षा रोपण कार्यक्रममा मलेसियन साल, कपुर, अमला लगाएतका बहुउपयोगी जातका तिन सय वटा बिरुवा रोपिएको हो । शालिक तथा बृक्षा रोपण कार्यले बनवाटिका क्षेत्रको पर्यटकिय विकासमा टेवा पुग्ने अपेक्षा गरिएको छ ।
यसै हरिवन नगरपालिका–८, क्षेत्रका महिला स्वयंसेविकाहरुलाई सम्मान समेत गरिएको छ । उनीहरुले वडाको स्वास्थ्य क्षेत्रमा पुर्याएको योगदानको उच्च मुल्यांकन गर्दै सम्मान पत्र सहित सम्मानित गरिएको वडाध्यक्ष प्रज्वल ढुंगानाले जानकारी दिए । कार्यक्रममा पुर्व रक्षा मन्त्री एवं प्रतिनिधि सभा सदस्य हरि उप्रेती, प्रतिनिधि सभा सदस्य सरस्वती सुब्बा लगाएतको आतिथ्यता रहेको थियो ।
यस्तै कार्यक्रममा हरिवन नगरपालिकाका मेयर रमेश बुडाथोकी(कमल), उपमेयर हरिमाया घलान, नेकपा एस नेता डिल्ली उप्रेती, पुर्व मेयर गणेश प्रसाद प्रसाईको पनि आतिथ्यता रहेको थियो । भने, विभिन्न पार्टीका नेता तथा कार्यकर्ता, स्थानीयको समेत सहभागिता रहेको आयोजकले जनाएको हो ।
