Wednesday, February 21, 2024

बागमतीको नव जनजागरण माध्यामिक बिद्यालय उत्कृष्ठ ठहर

ताजा / भरखरै प्राप्त

बागमती–सर्लाहीको बागमती नगरपालिका पछिल्लो समय शिक्षाको हव बन्दै गएको छ ।

बागमती नगरपालिकाका बिद्यालय ब्यवस्थापन र शैक्षिक सुधारमा समेत अब्बल सावित हुदै गएका हुन् । शिक्षा तथा मानव श्रोत विकास केन्द्रले निकालेको नतिजाले यसलाई पुष्टि गरेको छ । गत अषाढ ५ गते प्रकासन गरेको सुचना अनुसार बागमती नगरपालिका–८, मा रहेको नव जनजागरण माध्यमिक बिद्यालय उत्कृष्ठ ठहर हुदै प्रोत्साहन रकम प्राप्त गर्न सफल भएको हो ।

नेपाल सरकार शिक्षा मन्त्रालय अन्तरगत शिक्षा तथा मानव श्रोत विकास केन्द्रले ब्यवस्थापकीय तथा शैक्षिक सुधारमा उत्कृष्ठ कार्यगरेका बिद्यालयलाई नतिजामा आधारित प्रत्साहन अनुदानको लागि छनौट आवेदन लिएको थियो । यसमा उच्चतम अंक प्राप्त गरी नव जनजागरण माध्यमिक बिद्यालय शंकरपुरले ५ लाख प्राप्त गर्न सफल भएको बिद्यालयका प्रधानाध्यापक बद्रि पोखरेलले जानकारी दिए ।

नगरको जनप्रतिनिधि, बिद्यालय ब्यवस्थापन समिति, शिक्षक एवं अभिभावक समेत अथक प्रयासबाट बिद्यालय उत्कृष्ठ बन्न सफल भएको नगर शिक्षा शाखा प्रमुख मिन प्रसाद उपाध्यायले जानकारी दिए । यस पालिकाले बालबालिका मैत्री, मन्टेश्वरी, ब्यवहारिक ज्ञान सहितको प्रविधि मैत्री शिक्षण पद्धती अवलम्बन गरिरहेको नगरकी उपमेयर लिला कुमारी मोक्तानले बताईन् ।

यसै विच ब्यवस्थापकीय तथा शैक्षिक सुधारमा उत्कृष्ठ कार्यगरेका बिद्यालयलाई नतिजामा आधारित प्रत्साहन अनुदानको लागि सर्लाहीबाट अन्य ४ बिद्यालय पनि छनौटमा परेका छन् । शिक्षा तथा मानव श्रोत विकास केन्द्रका अनुसार जिल्लाको लालबन्दी–२, जुटपानीको नवजिवन विद्याश्रम मावि जुटपानी, ब्रम्हपुरी–१, को जलाधर कमलदेव मावि र बलरा–४, को रामसखी मोहितसिंह जनता मावि छनौट भएको हो ।

यस कार्यक्रममा देशैभरबाट उत्कृष्ठ अंक प्राप्त गर्ने १६५ वटा बिद्यालय अनुदानका लागि छनौट भएका केन्द्रले जनाएको हो । छनौटमा परेका बिद्यालयहरुले जनहि ५ लाखको दरले अनुदान रकम प्राप्त गर्ने ब्यवस्था छ ।

spot_imgspot_img
spot_img

लोकप्रिय

Related Articles