बरहथवा-सर्लाही प्रहरीले ठुलो परिमाणमा लागु औषध सहित दुई यूवकलाई पक्राउ गरेको छ ।
शनिवार ईलाका प्रहरी कार्यलय बरहथवाले पत्रकार सम्मेलनको आयोजना गरी लागु सहित पक्राउ परेका दुई यूवकलाई सार्वजनिक गरेको हो । गत बिहिवार साझ बरहथवा नगरपालका–५, स्थित सडक खण्डबाट ठुलो परिमाणमा लागु औषध सहित गोेडैता नगरपालिका–११, निवासी २२ बर्षका अजय सहनी र वडा नम्बर ८, का ताज बाबु दर्जी पक्राउ परेका थिए ।
सुराकीका आधारमा चेकजाँच गर्ने क्रममा मधुवनबाट काठमाण्डौका लागि छुटेको बागमती प्रदेश ०६–००१ ख ०००३ नम्बरको यात्रुबाट उक्त लागु औषध सहित उनीहरुलाई पक्राउ गरिएको ईलाका प्रहरी कार्यलय बरहथवाका डिएसपी मकेन्द्र मिश्रले जानकारी दिए । पक्राउ परेका मध्य सहनी उक्त बसको सहचालक र अर्का अभियूक्त दर्जी बसका कण्डक्टर रहेको खुलेको छ ।
चेकजाँचको क्रममा सहनीले बोकेको निलो रंगको ब्यागबाट सय एम.एलको कोडिवयल कफ सिरफ ८९ बोटल, नोफिन २ एम.एलको एम्पुल ९१ पिस, डाईजेपाम २ एम.एलकोे एम्पुल ९१ पिस, फेनेरागन २ एम.एलकोे एम्पुल ९२ पिस, २७४ पिस, नाईट्राभेट–१०, २० पत्ता प्रतिपत्ता १५ ट्याब्लेटका दरले तिन सय ट्याब्लेट, निटाज कियर–१०, ९० पत्ता प्रति पत्ता १० ट्याब्लेटका दरले नौ सय ट्याब्लेट र एक थान स्कृन टचँ मोवायल फोन बरामद भएको छ ।
यस्तै दर्जीले बोकेको ब्यागबाट कोडिवयल कफ सिरफ लेखिएको सय एम.एलको बोटल ९८ पिस र एक थान स्कृन टचँ मोवायल फोन बरामद भएको प्रहरीले जनाएको हो । दुवै जना बिरुद्व लागु औषध ओसारपसार मुद्वामा अनुसन्धान सुरु गरेको ईला प्रहरी कार्यलय बरहथवाका डिएसपी मिश्रले जानकारी दिए । यात्रु बसमा लागु औषध ओसारपसार भईरहेको सुराकी पाएपछि सशस्त्र प्रहरी बेस क्याम्प सुन्दरपुर चोहडवा र ईलाका प्रहरी कार्यलय बरहथवाको सम्यूक्त प्रहरी टोलीले बस रोकेर खानतलासी गरेका थिए ।
यसरी लागु औषध बरामद भएको घटनाले लागु औषध तस्करीको अवस्था भयावह रहेको देखिएको प्रहरी अधिकारीको भनाई छ । पछिल्लो समय सर्लाही प्रहरीले समेत जिल्लामा लागु औषधको प्रयोग र तस्करीलाई लिएर कडाई गरेपछि तस्करीमा सम्लग्नहरु पक्राउ पर्न थालेका जिल्ला प्रहरी कार्यलय सर्लाहीले जनाएको छ ।
