Wednesday, February 21, 2024

कांग्रेस नेतृ तथा पुर्व राज्य मन्त्री पण्डेको निधन

ताजा / भरखरै प्राप्त

बागमती– नेपाली कांग्रेसकी नेतृ तथा पुर्व राज्य मन्त्री मिना पाण्डेको निधन भएको छ ।

सर्लाहीको बागमती नगरपालिका–११, निवासी पाण्डेको मंगलवार ७२ बर्षको उमेरमा निधन भएको हो । नेतृ पाण्डे केही समय देखी क्यान्सर जन्य प्राणघातक रोगबाट पिडित थिईन् । पछिल्लो समय उन्को स्वास्थ्य अवस्था समेत सुधार भएको थियो । फेरी कलेजो लगाएत शरिरको अन्य भागमा समेत क्यान्सको संक्रमण देखिएको थियो ।

भारतको विभिन्न अस्पतालमा उपचार गर्दा समेत निको नभएपछि परिवारले नेतृ पाण्डेलाई घरमा चिकित्सकको निगरानिमा राखेका थिए । गत ४ दिन यता उन्को स्वास्थ्य अवस्था एक्कासी बिग्रीएको परिवारले बताए । पाण्डे जुझारु नेतृको रुपमा परिचित थिईन् । २००८ सालमा रामेछापको बेथानमा जन्मीएकी पाण्डेले पंचायत विरुद्धको संघर्षमा पटक पटक गरी करिव डेढ बर्षको जेल जिवन बिताईन् ।

नेतृ पाण्डे प्रत्यक्ष र समानुपातिक गरी ४ पटक प्रतिनिधि सभा सदस्य समेत बनेकी थिईन् । २०४८ र २०५१ मा तत्कालिन सर्लाही निर्वाचन क्षेत्र नम्बर २ बाट प्रत्यक्ष तर्फ प्रतिनिधि सभा सदस्यमा निर्वाचित भएकी थिईन् । भने, २०६४ र २०७४ मा समानुपातिक सांसद बनेमी हुन् । नेतृ पाण्डे २०५४ सालमा समाज कल्याण राज्यमन्त्री समेत नियूक्त भईन् ।

२०२९ सालमै राजनीतिक जेलयात्रा सुरु गरेकी नेतृ पाण्डे २०३५ सालमा नेपाल बिध्यार्थी संघको केन्द्रिय सदस्य र २०३६ सालमा पद्धमकन्या क्याम्पसको स्ववीयू सभापतिमा निर्वाचित बनिन् । उनी दुई कार्यकाल नेपाल महिला संघको केन्द्रिय अध्यक्षको र तिन कार्यकाल नेपाली कांग्रेसको केन्द्रिय सदस्यको जिम्मेवारीमा रहेकी थिईन् ।

नेतृ पाण्डेको दुई छोरा छन् । उन्को पार्थिव शरिर मंगलवार नै काठमाण्डौ स्थित पशुपति आर्यघाटमा अन्तिम संस्कार गरिने पारिवारजनले जनाएका छन् ।

spot_imgspot_img
spot_img

लोकप्रिय

Related Articles