मलंगवा–जिल्ला सदरमुकाम मलंगवामा आगलागीबाट एक घर जलेर नष्ट भएको छ ।
आईतवार राती मलंगवा नगरपालिका–४, शिवसागर चोकमा भएको आगलागीबाट सोही स्थानका स्वरुप चमारको फुसको छाना भएको घर जलेर नष्ट भएको हो । राती चमारको घरमा एक्कासी आगोलागेको स्थानीयको भनाई छ । आगलागीबाट घर तथा घर भित्र रहेका अन्नपात लत्ताकपडा समेत जलेर नष्ट भएको पिडित परिवारले जनाएका छन् ।
यस्तै आगो नियन्त्रणमा लिन प्रयाप्त पहल नभएकोे भन्दै आक्रोसित स्थानीयले, प्रहरीको भ्यान, नगरपालिका कार्यलय र अदालत परिसरमा ढुंगा मुढा सहित नारावाजी गरेका प्रहरीले जनाएको हो । आक्रोसित स्थानीयले मलंगवा नगरपालिका परिसरमा रहेको बिआर ३० आर २९५७ नम्बरको मोटरसाईकलमा समेत आगजनी गरेका छन् ।
आगोलागे लगतै दमकलको लागि सम्पर्क गर्दा फोन नउठेको तथा नगरले दमकल तयारी अवस्थामा नराखेको, नागरिको जनधनमाथि लापर्वाही गरेको भन्दै उनीहरुले ढुंगामुढा गरेको श्रोतले जनाएको छ । घटनामा नगरपालिका र अदालतकोे झ्यालकोे सिसा समेत फुटेको छ । घटना लगतै उत्योजित भिडले प्ररहरीको भ्यानमा समेत ढुंगामुढा गरेका थिए ।
घटनाको सम्पुर्ण विवरण संकलनको कार्य भईरहेको जिल्ला प्रहरी कार्यलय सर्लहीका डिएसपी कैलाश राईले जानकारी दिए । आगलागी भन्दा पनि स्थानीयले पछि घटना अन्तै मोडेका उन्ले बताए । आगलागीबाट नगरका कर्मचारीको मोटरसाईकल जलेर नष्ट भएको पालिकाले जनाएको हो । राती स्थिती नियन्त्रणमा लिन प्रहरीले लाठिचार्ज गर्नुपरेको थियो ।
प्रहरीले अराजक गतिविधि गर्दै पालिका अदातल र प्रहरीको भ्यानमा ढूंगामुढा गर्ने आधा दर्जनलाई पक्राउ गरेको छ । अन्य केहीको पहिचान भईसकेको र खोजि भईरहेको जिल्ला प्रहरी कार्यलय सर्लाहीले जनाएको हो ।
दमकल पुग्न नसके पछि आगो स्थानीयले नियन्त्रणा लिएका थिए । २० पालिका रहेको सर्लाहीमा दुई मात्र बारुणयन्त्र छ । त्यसमा पनि एउटा मलंगवा नगरपालिकाकोे बिग्रीएर बनाउन लगेका कारण जिल्ला भरको आगलागीको घटनामा हरिवन नगरपालिकाको दमकलले थेग्नु परिरहेको छ । यसले गर्दा समयमा दमकल घटना स्थल पुग्न समस्या हुदैै आएको छ ।
अन्य कुरामा ठुलो लगानी गर्ने पालिकाहरुले दमकल संचालन गर्न आनाकानी गरेर नागरिकको जनधनकोे रक्षा गर्ने कुरामा लापर्वाही गरेको भन्दै चर्को आलोचना भईरहेको छ ।
