Wednesday, February 21, 2024

भ्रष्टचार बिरुद्वको काम प्राथमिकतामा छ : उपप्रधान मन्त्री श्रेष्ठ

ताजा / भरखरै प्राप्त

भ्रष्टाचार र भ्रष्टाचारी बिरुद्वको कामलाई गृह मन्त्रालयले प्राथमिकतामा राखेको उपप्रधान तथा गृह मन्त्री नारायणकाजी श्रेष्ठले बताएका छन् ।

शनिवार सर्लाही आईपुग्नु भएका उपप्रधान तथा गृह मन्त्री श्रेष्ठले बागमती नगरपालिका–११, स्थित नमुना पहरी बस्ती उद्घाटन समारोहलाई सम्बोधन गर्दै यस्तो बताएका हुन् । गृह मन्त्रालयले देशमा हुने हरेक किसिमका भ्रष्टाचार र विभेदमा संलग्न बिरुद्वका कार्यक्रमलाई मन्त्रालयले प्राथमिकतामा राखेको उनले बताए ।

उपप्रधान मन्त्री श्रेष्ठले कार्यक्रमका विच नमुना पहरी बस्तीका १३ परिवारलाई घरको साचो हस्तान्तरण गरेका थिए । नदि किनार तथा वन क्षेत्रमा अब्यवस्थित रुपमा बसोवास गर्दै आएका पहरी परिवारलाई प्रदेश सरकारको केही र बागमती नगरपालिकाको लागतमा एक करोड ५३ लाख लागतमा १३ वटा पक्कि घर निर्माण गरेर हस्तान्तरण गरिएको नगरपालिकाले जनाएका हो ।

पक्कि घर पाएका पहरी परिवार खुसी भएका थिए । बागमती–११, स्थित हरिहर सामुदायिक बन क्षेत्रमा बस्ने उनीहरु नेपालको लोप उन्मुख जाती मध्यका एक हुन् । यसरी लोप उन्मुख जातीको संरक्षणमा नगरले देखाएको तदारुक्ताको उपप्रधान मन्त्री श्रेष्ठले प्रशंसा समेत गरे । बसोवास सगैँ उनीहरुको जिविकोपार्जनमा समेत ध्यानदिन उन्ले आग्रह गरे ।

उक्त बस्तीमा ७० जनाको संख्यामा पहरी परिवार बस्दै आएका छन् । त्यसमध्य केही नगरपालिकाले निर्माण गरिरहेको फनपार्कमा रोजगारीमा समेत संलग्न रहेका छन् । केहीले भने बागमती नदिमा माछा मार्ने र त्यसबाट दैनिकी गुजार्ने गरेका स्थानीयको भनाई छ । यस लोपउन्मुख जातीको संरक्षणमा नगरले बिषेश ध्यान दिएको मेयर भरतकुमार थापाले जानकारी दिए ।

उपप्रधान मन्त्री श्रेष्ठले कार्यक्रमलाई सम्बोधन गर्दै देशमा हुने भ्रष्टाचार, मिटर ब्याज र दलित तथा महिला माथि हुने विभेद सह्य नहुने बताएका छन् । यस बिरुद्व गृहमन्त्रालय निर्मम ढंगले लागेको उन्को भनाई थियो । उन्ले सुरक्षा निकायलाई आम नागरिकको पहुचमा पुगेर सेवा दिने गरी कार्य प्रद्धती परिवर्तन गर्न बिषेश निर्देशन दिएको समेत उल्लेख गरे ।

‘हामीले नेपाल प्रहरी लगाएतका सुरक्षा संयन्त्रलाई बिषेश निर्देशन दिएका छौँ ।’ उन्ले भने, ‘त्यो भनेको केहो भने, आम जनताको पहुचमा पुगेर सेवा प्रवाह गर्नु भनेको हो । कोही सेवाग्राही सेवा लिन आउदा उनीहरुले समन्वय गर्न नजानेका बिषयमा सहयोग गर्नु भनेका छौँ ।’ श्रमीक, गरिव, निमुखा पहुच नभएका जनतालाई पहिलो प्राथमिकता दिन समेत उन्ले आग्रह गरे ।

सेवा लिन जादा कुनै किसिमको विभेद भए वा आफुना कुरा सुनुवाई नभए तत्काल उजुरी गर्न समेत उन्ले आग्रह गरे । त्यस अनुसार कामगर्ने गृह मन्त्रालयले तयारी गरेको बताए । सम्बोधनका क्रममा उन्ले मिटिर ब्याजी बिरुद्ध मन्त्रालय कडारुपमा प्रस्तुत भईरहेको उन्को भनाई छ । सोही बिषयमा आईतवार जनकपुरमा कार्यलय स्थापना गरिने समेत जानकारी दिए ।

नमुना पहरी बस्ती उद्घाटन पछि उपप्रधान तथा गृह मन्त्री श्रेष्ठ पहरी परिवार सगँको सहभोजमा सरिक भएका थिए ।

spot_imgspot_img
spot_img

लोकप्रिय

Related Articles