Wednesday, February 21, 2024

बागमतीमा पशु पालक तथा कृषकहरुसगँ अन्तरकृया सम्पन्न

ताजा / भरखरै प्राप्त

बागमती- सर्लाहीको बागमती नगरपालिका पशु तथा कृषी शाखाले किसानहरु सगँ अन्तरकृया गरेको छ ।

शाखाबाट प्रवाह भईरहेको सेवा तथा आगामी कार्ययोजनाको बिषयमा किसानहरु सगँ अन्तरकृया गरिएको शाखा संयोजक हरिभक्त खड्काले जानकारी दिए । कार्यक्रममा उपस्थित नगरका ब्यवसायिक किसानहरुले आफ्ना समस्याका विषय राखेका थिए । पछिल्लो समय किसानले बिउ बिजन मल खाद नपाएको र पाउदा पनि महंगो मुल्य तिर्नु परेका कारण किसान पलाएन हुनुपर्ने अवस्था आएको किसानहरुको गुनासो थियो ।

यता पशुपालक किसानहरुले समेत ऋण गरेर संचालन गरेका फारमहरुका कारण पछिलो समय समस्या भएको बताए । महंगो ब्याज दरमा लिएको ऋण तथा उत्पादनले बजार र उपयूक्त मुल्न नपाउदा लगानी डुब्ने अवस्था आएका किसान प्रतिनिधिहरुले दुखेसो पोखे । नगरबाट बार्षिक रुपमा अनुदान देखी सहुलियत पुर्ण सहयोगको समेत अपेक्षा राखेको उनीहरुको भनाई थियो ।

किसान प्रतिनिधिहरुको कुरा सुनिसके पछि कार्यक्रमका प्रमुख अतिथि मेयर भरत कुमार थापाले नगरबासिलाई ब्यवसायिक कृषिमा आवद्ध गराउदै उनीहरुको जिवन स्तर उकास्न नगरले सुरुदेखीनै योजनाहरु तर्जुमा गरिरहेको दावी गरे । नगरले गरेको कामलाई नकारात्मक नजरले हेर्दा भएका कामहरु नदेखीने र हुनलागेका कामहरु ढिला हुने गरेको उहाँको भनाई थियो । नगरका योजनाको बिषयमा जानकारी लिने र नगरका सबै नागरिकलाई स्पष्ट पार्न समेत आग्रह गरे ।

नगरले संचालन गर्न लागेको ठुला परियोजना फर्नपार्क, नगर बगैँचा, माछा पोखरी(भरत ताल) लगाएतका योजनाले नगरका उत्पादनको सहज बजारी करण देखी किसानहरुलाई ब्यवसायिक बनाउने मेयर थापाले बताए । नगरको सुरुहुन लागेको रोड साइड स्टेसनले यहाँको उत्पादन बजारिकरण गर्ने नगरले किसानलाई उत्पादन गर्न लगाएको कृषि उपज बिक्री वितरण गर्ने लगाएतको योजना बनाउने उन्को भनाई थियो ।

कार्यक्रममा बोल्दै नगर प्रमुख थापाले देश बिदेशले बागमती नगरको योजनाको प्रशंसा गरिरहदा यसै नगरका नेता र नागरिक यसको बिरुद्धमा तथ्य र आधारहिन कुरा लिएर असफल बनाउन लागपिर्नु विडम्बना रहेको बताए । नगरले पशुपालक किसानहरुलाई प्रोत्साहन स्वरुप आफु निर्वाचित भए लगतै पशु सुत्केरी भत्ता वितरण सुरु गरेको दावी गरे । आगामि कार्यक्रममा समेत नगरले कृषि मैत्री योजना ल्याउने उनको दावी छ ।

spot_imgspot_img
spot_img

लोकप्रिय

Related Articles