राधेश्याम कुशवाह, लालबन्दी– नेपाल कुशवाहा कल्याण समाज सर्लाहीले नयाँ बर्ष २०८० को अवसरमा बृद्वबृद्वाहरुलाई मिष्ठान भोजन तथा स्वास्थ्य परिक्षण गरेको छ ।
समाजले लालबन्दी नगरपालिका–२, जुटपानीमा रहेका पद्म भुवनेश्वरी नमुना बृद्व सेवा आश्रमका बृद्वबृद्वाहरुलाई एक दिनको मिष्ठान भोजन र स्वास्थ परीक्षण ब्यवस्था गरेको जनाएको छ । समाजको ब्यवस्थापनमा मोडेल अस्पताल, लालबन्दीका डाक्टर आलोक कुशवाहाको टिम स्वास्थ्य परिक्षणमा खटिएका कुशवाहा विद्यार्थी कल्याण समाज, सर्लाहीका जिल्ला अध्यक्ष भरत महतोले जानकारी दिए ।
समाजले विभिन्न समाजिक कार्य तथा सामाजिक सद्भावका लागि भूमिका निर्वाह गर्दै आईरहको छ । गएको चैत्र २५ गते नेपाल कुशवाहा कल्याण समाजको छैठो जिल्ला अधिवेशनको अवसरमा रक्तदान शिविर समेत सम्पन्न गरेको थियो । शिविरमा ८५ पिन्ट रगत संकलन भएको थियो । बृद्वबृद्वाहरुलाई मिष्ठान भोजन तथा स्वास्थ्य परिक्षण गरिदिएको भन्दै समाज परिवार प्रति आश्रम ब्यवस्थापनले धन्यवाद समेत ज्ञापन गरेको छ ।
कार्यक्रममा मधेश प्रदेश सांसद जवाहरलाल कुशवाहा, माओवादी नेता फकिरा महतो लगाएतले आश्रमका संस्थापक अध्यक्ष बाशुदेव शरण कोईराला लगायत आश्रम परिवारलाई सम्मान गरेका थिए ।आश्रम ब्यवस्थापक भवानी कोईरालाले आगामि दिनमा थप सहयोगको अपेक्षा गरेको बताईन्।
स्वास्थ्य शिविरमा आश्रममा रहेका ५५ जना बृद्वबृद्वाहरुको स्वास्थ्य परीक्षण गरिएको थियो । समाजका निवर्तमान अध्यक्ष लक्षमण महतो, समाजका केन्द्रिय सदस्य रामचन्द्र सिंह कुशवाहा, शिक्षा विकास तथा समन्वय इकाइ, सर्लाहीका प्राविधिक सहायक सुनिल कुशवाहा, विद्यार्थी समाजका अध्यक्ष भरत महतो, बिरबहादुर महतो, भरतलाल महतो, लखिन्द्र महतो लगायत व्यक्तिहरुको कार्यक्रममा सहभागिता रहेको थियो ।
