Wednesday, February 21, 2024

नगरस्तरिय भलिवल : तेस्रो दिन ६ खेल सम्पन्न

ताजा / भरखरै प्राप्त

बागमती–बागमतीमा जारी नगरस्तरिय भलिवल प्रतियोगिताको तेस्रो दिन ६ वटा खेल सम्पन्न भएको छ ।

बिहिवार बागमती नगरपालिका–१, मिलनचोक मगर गुम्बा नजिकैको मैदानमा ४ वटा क्वाटर फाईनल र दुई वटा सेमिफाईनल खेल सम्पन्न भएको हो । पहिलो आजको क्वाटर फाईन खेलमा रामनगर यूवा क्लवलाई पराजित गर्दै सिरसिया यूवा क्लव र दोस्रो खेलमा बसन्तपुर यूवा क्लवलाई पराजित गर्दै सिरसिया यूवा क्लव विजयी बनेको छ ।

यस्तै खेलको तेस्रो क्वाटर फाईनल खेलमा आयोजक मिलनचोक यूवा क्लवलाई पारजित गर्दै बाराको खैरा यूवा क्लव विजयी बन्यो । भने, चौथो खेलमा सिरसिया यूवा क्लवलाई पराजित गर्दै आयोजक मिलनचोम यूवा क्लव (वि) टिम बिजयी भएको हो ।

यस्तै खेल अन्तरगत पहिलो सेमिफाईनल खेलमा चन्द्रनगरको बड्कुरवा र बाराको खैरा यूवा क्लव विच प्रतिस्पर्धा भएको थियो । बाराको खैरालाई सोझो सेटमा पराजित गर्दै चन्द्रनगरको बड्कुर्वा फाईनलमा प्रवेश गरेको छ । भने, आजै भएको दोस्रो सेमिफाईनल खेलमा आयोजक (बि) टिमलाई सोझो सेटमा पराजित गर्दै एभरेष्ट एकेडेमी लालबन्दी फाईनलमा प्रवेश गरेको छ ।

यसैविच आजको खेलमा सिरसिया भरत यादव, मिलनचोकका दिपन राना, सिरसियाका अनिल यादव, बड्कुर्वाका राम निवास चौधरी र एभरेष्ट एकेडेमीका रोशन चौधरी म्यान अफ द म्याच घोषित भए । उनीहरुले ट्रफि र पुरस्कार हातपारेका आयोजकले जनाएको हो ।

प्रतियोगिता अन्तरगत फाईनल खेल शुक्रवार दिउसो २ बजेबाट सुरुहुने आयोजकले जनाएको हो । फाईनलमा चन्द्रनगरको बड्कुर्वा यूवा क्लव र लालबन्दीको एभरेष्ट एकेडेमी विच प्रतिस्पर्धा हुने भएको छ । प्रतियोगितामा प्रि क्वाटर फाईनल र क्वाटरफाईन खेल बेष्ट अफ थ्रि र सेमिफाईनल खेल बेष्ट अफ फाईवमा खेलाईएको थियो ।

राष्ट्रका लागि खेलकुद, स्वास्थ्यको लागि खेलकुद भन्ने नारा सहित सुरु भएको भलिवल प्रतियोगिताका विजेताले नगद ३५ हजार र उपविजेता नगद २० हजार सहित कप, मेडल, प्रमाण पत्र हातपार्ने छन् । प्रतियोगितामा उत्कृष्ठ खेलाडिले विधागत पुरस्कार प्राप्त गर्ने आयोजक मिलनचोक यूवा क्लवका अध्यक्ष गोकर्ण रुपाखेतीले जानकारी दिए ।

गत मंगलवारबाट सुरुभएको प्रतियोगितामा सर्लाही सहित बारा र रौतहटको गरेर १८ वटा टिम सहभागि भएका थिए । खेल प्रमुख रेफ्रिका रुपमा प्रमोद चौधरी र सहायक रेफ्रिका रुपमा शोर सिङ गूरुङले खेलाएका थिए ।

क्लवका अध्यक्ष रुपाखेतीको अध्यक्षतामा भएको खेलमा जेष्ठ नागरिक तम् बहादुर थापा प्रमुख अतिथि रहेका थिए । भने, युवा ब्यवसायी उमेश बाँनिया, लेख बहादुर बुढाथोकी, नन्द सिंङ गुरुङ, धनबहादुर आले, दिपक बहादुर थापा लगाएतको आतिथ्यता रहेको थियो ।

spot_imgspot_img
spot_img

लोकप्रिय

Related Articles