हरिवन–दमकल संचालनका बिषयमा भएका गलत अफवाहको पछि नलाग्न हरिवन नगरपालिकाले आग्रह गरेको छ ।
शुक्रवार नगरपालिका सभाहलमा संचारकर्मीहरु सगँ कुरा गर्दै मेयर रमेश बुढाथोकी (कमल)ले दमकल संचालन लगाएतका बिषयमा आएका हल्लाको पछि नलाग्न अनुरोध गरे । गत शनिवार हरिवन नगरपालिका–११, निवासी बद्रि न्यौपानेको घरमा बिद्युत सर्ट भएर एक्कासी आगलागी भएको थियो ।
लगतै पुगेको हरिवन नगरपालिकाको दमकलमा प्राविधिक समस्या पछि मेसिनले पानी नफालेको र आगलागीबाट न्यौपानेको घर जलेर नष्ट भएको थियो । घटना स्थलपुगेको दमकलले पानी नफाले पछि जम्मा भएका स्थानीयले दमकल र काम गर्ने नगर प्रहरी माथिनै ढुंगामुढा गरेका थिए । सोही क्रममा ईलाका प्रहरी कार्यलय हरिवनमा एक प्रहरी घाईते समेत भए ।
उक्त घटना पछि दमकल चालु हालतमा नराखेको, अन्य सवारी चालकलाई दमकल संचालन गर्न दिएको लगाएतको अफवाह सहित सामाजिक संजालमा टिक्का टिप्पणी भएको थियो । सोही कुरालाई लिएर मेयर बुढाथोकीले संचारकर्मी सगँ कुराकानी गरेका हुन् । कुराकानी गर्दै मेयर बुढाथोकीले सामाजिक संजालमा आएको जस्तो लापर्वाही नगरले नगरेको दावी गरे ।
यस पहिलाका दमकल चालकले बैदेशिक रोजगारीको लागि भन्दै राजिनामा दिएपछि नगरले अर्को चालक नियूक्त गरेको उन्ले बताए । यस पहिलाको दक्ष भनिएका चालकले बर्षौ देखी विना लाईसेन्स दमकल संचालन गरेको समेत खुलेको छ । बर्षौ देखी दमकल चालकमा नियूक्ती पाएका उन्ले २०७८ साल अन्तिम तिरमात्र दमकल चलाउने अनुमती पाएको फेलापरेको छ।
हाल नियूक्त रहेका दमकल चालक बर्षौ देखी दुबई, मलेसिया लगाएतका बिदेशमा ठुला सवारी र बारुणयन्त्र चलाएर फर्किएका अनुभवी चालक रहेका उन्ले दावी गरे । कुराकानीको क्रममा मेयर बुढाथोकीले आगलागीबाट ठुलो धनमाल क्षती भएको भन्दै दुख समेत ब्यक्त गरे । उन्ले पिडितलाई नगरको विपद्कोष र प्रदेश बिपद्कोषबाट समेत राहतको ब्यवस्थागर्ने कुरामा नगर लागिपरेको बताए ।
पिडित परिवारको घर निर्माणमा सहयोग पुग्ने गरी नगरले डिभिजन वनमा काठको लागि सिफरिस गरेर पठाएको जानकारी दिए । दमकल मेसीनरी सामान भएकोले कुन बेला समस्या आउछ ? भन्ने थाहाँ नहुनले उन्को तर्क थियो । तर, पनि यस घटनाबाट सामान हरेक पटक परिक्षण गर्नुपर्ने रहेछ भन्ने सिकाई भएको उन्ले बताए ।
दमकल मानविय सम्बेदना सगँ जोडिने कुरा भएकोले दिन्न वा चलाउदिन भन्न नसकिने उन्को भनाई छ । पछिल्लो समय जिल्लाका २० पालिकामा भएको आगलागीका घटनामा दौडिनु पर्दा समस्या भने आएको उन्को भनाई छ । हाल नियूक्त रहेका चालकले यस पहिला पनि जिल्ला तथा बाहिर २६ स्थानमा दमकल संचालन गरेर आगो नियन्त्रणमा लिएका नगरको रेकर्डमा उल्लेख छ ।
दमकल अत्यन्त खर्चिलो भएको र सबैठाउँमा पुगेर सेवा दिनुपर्ने बाध्यताले गर्दा विभिन्न पालिका सगँको सहकार्यमा सहज ढंगले संचालन गर्ने प्रयास गरिएको मेयर बुढाथोकीले जानकारी दिए । आगामि दिनमा यस्ता घटना नहोस भन्नेमा नगर सचेत रहेको समेत उन्ले बताए ।
