Thursday, June 13, 2024

बागमती नगरपालिका स्थित धरहरामा निशुल्क आँखा शिविर

ताजा / भरखरै प्राप्त

बागमती-सर्लाहीमा जारी आँखा शिविर अन्तरगत बागमती नगरपालिका स्थित धरहरामा निशुल्क आँखा जाचँ गरिने भएको छ ।

शनिवार बागमती नगरपालिका–३, धरहरामा रहेको जनकल्याण आधारभुत बिध्यालय प्रांगणमा आँखा शिविर संचालन गर्न लागिएको हो । शिविरमा निशुल्क आखाँ जाचँ गरिने आयोजक बागमती नगरपालिका स्वास्थ्य शाखाले जनाएको हो । शिविरमा फेला परेका आखाँका मोती बिन्दुका बिमारीको निशुल्क शल्यकृया समेत गरिने आयोजक तिलगंगा आखाँ प्रतिष्ठान काठमाण्डौले जनाएको हो ।

शुक्रवार बरहथवा–१, मा भएको निशुल्क शिविरमा ५ सय ७ जनाले आँखा जाचँ गराएका छन् । पुरानो वडा कार्यलय स्थित रत्न गिरिको घरमा भएको शिविरमा २ सय ९१ महिला र २ सय १६ जना पुरुषले आँखा जाचँ गराएका हुन् । शिविरमा आँखा जाचँ गरेका मध्य १ सय २ जनामा मोती विन्दुको समस्या देखा परेको चिकित्सकहरुले जनाएका छन् ।

यस्तै शिविर अन्तरगत यस पहिला बागमती नगरपालिकाको छुट्टा छुटै स्थानमा भएको शिविरमा ८ सय ८२ जनाले आखाँ जचाएका थिए । त्यस मध्य ८७ जनामा मोती विन्दूको विमारी फेला परेका छन् । यस्तै २१ गते बसबरिया–३, भवानीपुर स्वास्थ्य चौकीमा र फागुण २४ गते हरिवन–१, आधारभुत प्राथमिक बिध्यालय पटौँना, २५ गते हरिपुर नगरपालिका–१, स्वास्थ्य चौकी भवन हजारविगाहमा शिविर संचालन हुने भएको छ ।

फागुण २७, २८ र २९ गते बागमती नगरपालिका–८, स्थित नव जन जागरण माध्यामिक बिध्यालय शंकरपुरमा आखाँ जाचँ तथा शिविरबाट छानिएका मोती बिन्दुका बिमारीको निशुल्क शल्यकृया गरिने बागमती स्वास्थ्य शाखा प्रमुख पदम बहादुर रायमाझीले जानकारी दिए ।

बागमती नगरपालिका र काठमाण्डौ स्थित तिलगंगा आखाँ प्रतिष्ठानको सम्यूक्त आयोजनामा संचालन भईरहेको शिविरमा तिलगंगा आखाँ प्रतिष्ठानका बिषेशज्ञ चिकित्सकहरु खटिएका छन् । फागुण २९ गते सम्म संचालन हुने शिविर बागमती, हरिवन, हरिपुर र बरहथवा नगरपालिका तथा बसबरिया र रामनगर गाउँपालिकाका विभिन्न स्थानमा संचालन भईरहेका छन् ।

spot_imgspot_img
spot_img

लोकप्रिय

Related Articles