सरिता सापकोटा, हरिवन–नेपाल मौरी पालक महासंघ सर्लाही शाखाले १७ औँ मह दिवस भब्यताका साथ मनाएको छ ।
सोमबार ‘गरे एक चम्चा मह दैनिक सेवन, हुन्छ स्वस्थ दिर्घ जीवन’ भन्ने मुल नाराका साथ १७ औँ मह दिवस मनाईएको महासंघका जिल्ला अध्यक्ष डम्बर देव पाण्डेले जानकारी दिए । हरिवन नगरपालिका–११, स्थित वडाकार्यलय सभाहलमा आयोजना गरिएको दिवसको हरिवन नगरपालिकाकी उपमेयर हरिमाया घलानले उद्घाटन गरेकी थिईन् ।
कार्यक्रममा बोल्दै प्रमुख अतिथि उपमेयर घलानले मौरी पालन ब्यवसाय सबै क्षेत्रबाट उत्पीडनमा परेको भन्दै आफ्नो गम्भिर ध्यानाकर्षण भएको बताईन् । मौरी पालन मह उत्पादन सगैँ बातावरण अनुकुलताको लागि समेत अपरिहार्य रहेको तथा विभिन्न बिरुवाको परागसेचन मौरीलेनै गर्ने भएकाले यसको सम्बर्धन आवश्यक रहेको उनको दावी थियो ।
कार्यक्रमका अधिकांस बक्ताहरुले मौरी पालन अझै ब्यवसायिक बन्न नसकेको भन्दै यस तर्फ सम्बन्धीत निकायले ध्यान दिनुपर्नेमा जोड दिए । कार्यक्रममा अखिल नेपाल किसान महासंघ जिल्ला अध्यक्ष राज कुमार उप्रेती, एमाले जिल्ला कमिटि उपाध्यक्ष बिदुर कुमार प्याकुरेल, कांग्रेस नेता डाकुर नाथ खत्तिवडा, सगुन साकोसका अध्यक्ष केशव ढकाल, बचत तथा ऋण सहकारी संघ सर्लाहीका पुर्व जिल्ला अध्यक्ष बाबुराम घिमिरेको आतिथ्यता रहेको थियो ।
यस्तै अखिल नेपाल महिला संघ जिल्ला अध्यक्ष संचिता घिमिरे, नेपाल मौरी पालक महासंघ केन्द्रिय सदस्य यम बहादुर कार्की, मौरी विज्ञ मनोज सिंह, मौरी किसान संघ केन्द्रिय अध्यक्ष बिष्णु मैनाली, पुर्व महासचिव हेमराज देवकोटा, अगुवा मौरी पालक अम्बिका पौडेल र उषा थपलिया लगाएतको समेत आतिथ्यता रहेको थियो । कार्यक्रममा जिल्लाका मौरीपालक किसानहरुको उल्यख्य सहभागिता रहेको महासंघका केन्द्रिय लेखा समिति संयोजक रवी कुमार कडरियाल जानकारी दिए ।
कार्यक्रममा टागिएका ब्यानरमा ‘आफ्नो स्वास्थ्य आफ्नै हातमा, शुद्ध मह सधै साथमा, हरियो वन नेपालको धन, मौलाए मौरी उर्लन्छ झन’ जस्ता नारा लेखिएका थिए ।
