Friday, February 23, 2024

जिल्ला बचत तथा ऋण सहकारी संघको अध्यक्षमा आचार्य निर्वाचित

ताजा / भरखरै प्राप्त

सर्लाही–जिल्ला बचत तथा ऋण सहकारी संघको अध्यक्षमा मन्दिरा आचार्य निर्वाचित भएकी छिन् ।

शनिवार सम्पन्न मतदान मार्फत संघको अध्यक्षमा ३७ मत सहित नेत्रगंज महिला साकोस लालबन्दीकी आचार्य निर्वाचित भएकी हुन् । उनको निकटतम प्रतिस्पर्धी हरिन्द्र राउतले ३० मत मात्र प्राप्त गरे । यस पहिला संघको १३ औँ बार्षिक साधारण सभा मार्फत सर्वसहमतिले नेतृत्व चयनको प्रयास भएको थियो ।

अध्यक्ष सहित ८ जना पदाधिकारीमा सहमती जुट्न नसके पछि चुनाव गराउनु परेको निर्वाचन समिति सदस्य बाबुराम घिमिरेले जानकारी दिए । निर्वाचन मार्फत सचिवमा सगुन साकोसका अध्यक्ष केशव ढकाल ३९ मत सहित निर्वाचित भएका छन् । ढकालका निकटतम प्रतिस्पर्धी तपेश्वर चौधरीले २४ मत मात्र प्राप्त गरे ।

यस्तै संचालक सदस्य पदमा ६७ मत सहित जनमुखी साकोस मलंगवाका पाँचु महतो, ६६ मत सहित जनहित साकोसका चेत प्रसाद तिमल्सिना, ५५ मत सहित दिनेश्वर राय यादव, ५३ मत सहित स्वस्तिक साकोस ईश्वरपुरका बेचु प्रसाद तिमल्सिना र ५० मत सहित भवानी घिमिरे निर्वाचित भएकी छन् ।

संघको लेखा सुपरिवेक्षण समिति संयोजकमा ४० मत सहित चमेली साकोस बयलवासका भरत साह निर्वाचित भएका छन् । उन्को निकटतम प्रतिस्पर्धी मोहन राय यादवले २० मत मात्र प्राप्त गरे ।

संस्थाको उपाध्यक्षमा जय माता महारानी साकोस गौरिशंकरका धनेश्वर महतो, कोषाध्यक्षमा स्वाबलम्बन साकोसका लालबाबु महतो र लेखा सिपरिवेक्षण समिति सदस्यमा साहस साकोस कौडेनाका महादेव साह र ललिता कुमारी यस पहिलानै निर्विरोध निर्वाचित भईसकेक थिए । निर्वाचित पराधिकारीहरुलाई निर्वाचन समिति सदस्य द्वय घिमिरे र महेन्द्र राउतले पद तथा गोपनियताको सपथ ग्रहण समेत गराएका थिए ।

नव निर्वाचित जिल्ला बचत तथा ऋण संघ सर्लाही कमिटिको कार्यकाल चार बर्षको हुने छ ।

spot_imgspot_img
spot_img

लोकप्रिय

Related Articles