बागमती-तथ्यांकमा नागरिक भुमिबाट बन्चित छन्, भनेर मात्र नपुग्ने नेकपा एमालेकी प्रतिनिधि सभा सांसद सरस्वती सुब्बाको भनाई छ ।
शनिवार सर्लाहीको बागमतीमा आयोजित भुमि अधिकार मञ्च सर्लाहीको छैठौँ जिल्ला सम्मेलनलाई सम्बोधन गर्दै सांसद सुब्बाले यस्तो बताईन् । सरकारले भुमि हिन सुकुम्बासीलाई उनीहरुको भुमि सम्बन्धी अधिकार प्रदान गर्ने कुरामा तदारुक्ता देखाउनु पर्ने उन्को भनाई थियो । भुमिहिनहरुलाई सरकारले सामाजिक न्यायका लागि र भुमिहिनको समस्या समाधानको लागि बनाएका आयोगलाई अधिकार सम्पन्न बनाएर काम गर्न दिनुपर्ने उल्लेख गरिन् ।
सरकारले पटक–पटक भुमिहिनको समस्या सम्बोधन गर्न भनेर अनेकन आयोग बनाए पनि भुमिहिनको समस्या समाधान नभएको उन्को तर्कथियो । भुमिहिनहरुले अझै आफ्नो अधिकारको निमित्त लड्नुपर्ने सांसद सुब्बाले बताईन् । भुमि अधिकार मञ्चको केन्द्रिय अध्यक्ष समेत रहेकी उन्ले आफुहरुको भुमिका फेरीएकोले अब सदनबाट भुमि अधिकारको कुरा उठाउने दावी गरिन् ।
भुमिहिनको मतबाट स्थानीय तह देखी केन्द्र सम्म निर्वाचित प्रतिनिधिहरुले आफुले गरेका प्रतिवद्धता पुरा गरे नगरेको मुल्यांकन गर्ने र खवरदारी गर्ने काम भुमिहिनहरुको भएको समेत उन्ले जिकिर गरिन् । सरकारले भुमि हिनहरुको समस्या समाधान गर्न देशै भरी भुमि आयोग गठन गरेकोले त्यसले गरिरहेको कामको निगरानी गर्न समेत उन्ले सम्पुर्ण भुमिहिनहरुलाई आह्वान गरिन् ।
कार्यक्रममा भुमि अधिकार मञ्चको तर्फबाट सांसद सुब्बालाई हलो उपहार दिईएको थियो । यस सम्मेलनले आगामि ३ बर्षे नयाँ कार्यकालको लागि सर्लाही जिल्ला समिति गठन गर्ने भुमि अधिकार मञ्च सर्लाहीले जनाएको छ ।
