बागमती–मधेश प्रदेशको सर्वाधिक पुरस्कारराषी रहेको राजर्षि जनक कप सातौँ संस्करणको सम्पुर्ण तयारी पुरा भएको छ ।
बुधवारबाट बागमती नगरपालिका–११, स्थित स्वर्गिय सन्तोष श्रेष्ठ स्मृती खेलमैदानमा सुरुहुन लागेको प्रतियोगिताको सम्पुर्ण तयारी पुरा भएको आयोजक बागमती यूवा क्लवले जनाएको हो । फागुण ७ गते फाईनल खेल हुने यस प्रतियोगितामा विभागिय र ए डिभिजनका ६ टिम, मोफसलका चर्चित ४ टिम, पाहुना र आयोजक एक÷एक गरेर १२ वटा टिमले उपाधिका लागि प्रतिस्पर्धा गर्ने भएका छन् ।
खेलकुदको माध्यमबाट ‘पर्यटन प्रवर्धन तथा सस्कृतीको सम्बर्धन’ को नारा सहित प्रतियोगिता संचालन हुनलागेको हो । प्रतियोगिताका विजेताले १० लाख र राजर्षि रनिङ शिल्ड तथा उप–विजेता टिमले नगद ५ लाख प्राप्त गर्ने आयोजक क्लवका कोषाध्यक्ष कुमार प्रधानले जानकारी दिए । प्रतियोगिताको अनुमानित लागत ९८ लाख रहेको क्लवका महासचिव सागर मैनालीले जानकारी दिए ।
प्रतियोगितामा विभागिय टिम नेपाल पुलीस क्लव र एपिएफ क्लव, ‘ए’ डिभिजनका मच्छिन्द्र फुटवल क्लव, जावलाखेल यूथ क्लव, संकटा क्लव, चर्चब्वईज यूनाईटेड, साविक विजेता पिप्ले यूवा क्लव, सुदुर पश्चिम–११, धनगडी, धरान फुटवल क्लव धरान, नवजनजाग्रिती फुटवल क्लव सिमरा, पाहुना टोली यूनाईटेड कर्सेङ फुटवल क्लव दार्जलिङ र आयोजक बागमती यूवा क्लवले सहभागिता जनाउने क्लवका अध्यक्ष किस्मत राज मैनालीले जानकारी दिए ।
खेलको उपप्रधानमन्त्री एवं भौतिक पूर्वाधार तथा यातायात मन्त्री श्रेष्ठले उद्घाटन गर्ने
सातौँ राजर्षि जनक कपको उपप्रधानमन्त्री एवं भौतिक पूर्वाधार तथा यातायात मन्त्री नारायणकाजी श्रेष्ठले उद्घाटन गर्ने भएका छन् ।
बुधवार एक कार्यक्रमका विच उपप्रधानमन्त्री एवं भौतिक पूर्वाधार तथा यातायात मन्त्री श्रेष्ठले सातौँ राजर्षि जनक कपकोे उदघाटन गर्ने कार्यक्रम तय भएको आयोजक बागमती यूवा क्लवले जनाएको हो । खेल उद्घाटनको लागि उनी बुधवारनै सर्लाही आईपुग्ने भएका छन् । प्रतियोगिताको उद्घाटन खेलमा सशस्त्र प्रहरीको एपिएफ क्लव र जावलाखेल यूथ क्लव काठमाण्डौ विच प्रतिस्पधा हुनेछ ।
उद्घाटनको दिन नगरपालिकामा सार्वजनिक विदा
सातौँ राजर्षि जनक कप उद्घाटनका दिन बागमती नगरपालिका कार्यलयले सार्वजनिक विदा घोषणा गरेको छ ।
बागमती नगरपालिका कार्यलयले मंगलवार एक सुचना जारी गर्दै बुधवार नगरपालिका भरी सार्वजनिक विदा घोषण गरेको हो । यस नगरपालिका र बागमती यूवा क्लवको सम्यूक्त आयोजनामा सुरुहुन लागेको प्रतियोगिता उद्घाटको दिन नगरपालिका मातहतका कार्यलय र शैक्षिक संस्था बन्द रहने समेत सूचनामा उल्लेख गरिएको छ ।
मधेश प्रदेशको शान, राजा जनक प्रतिको सम्मान भन्ने नारा सहित घरेलु मैदानमा हुन गईरहेको यस प्रदेशकै गौरवको प्रतियोगितामा उपस्थित भई खेलको खोलाडि र खेल क्षेत्रलाई प्रत्साहन प्रदान गरिदिन समेत नगरपालिकाले सम्पुर्ण नगरवासिमा आग्रह गरेको छ । बुधवारबो उद्घाटन समारोहमा सशस्त्र प्रहरीको बाहिनीको ब्याण्डबाजा टोलीले परेड तथा मार्चपास समेत गर्ने आयोजकले जनाएको हो ।
प्रतियोगितामा बागमतीका एक उत्कृष्ट खेलाडिले एक थान मोटरसाईकल समेत पुरस्कार प्राप्त गर्ने छन् । प्रतियोगिता प्रति मधेश प्रदेश सरकार उदासिन देखीएको आरोप लगाए ।
