Friday, February 23, 2024

बिशाल ग्रुपको सहयोगमा विपन्न परिवारलाई न्यानो कपडा

ताजा / भरखरै प्राप्त

काठमाण्डौ स्थित बिशाल ग्रुपको सहयोगमा सर्लाहीको चन्द्रनगरका विपन्न परिवारलाई न्यानो कपडा वितरण गरिएको छ ।

सोमबार चन्द्रनगर गाउँपालिका–६, कामदमा एक कार्यक्रमका विच न्यानो कपडा वितरण गरिएको हो । न्यानो कपडा पाएपछि स्थानीय विपन्न मुसहर परिवार अत्यन्त हर्षित बनेका छन् । केही समय पहिला उक्त टोलामा चिसोका कारण विपन्न परिवार कठयांग्रिएका तथा जिल्लाका विभिन्न स्थानमा विपन्नले कठ्यांग्रियर ज्यान गुमाएको खवर नयाँ पत्रिका दैनिक र अनलाई संस्करणमा प्रकासन भएको थियो ।

सोही समाचारबाट विपन्नको अवस्था बारे जानकारी पाए पछि बिशाल गु्रपले सर्लाहीका नयाँ पत्रिकाकर्मी सगँ सम्पर्क गरेर न्यानो कपडा वितरण गरेको हो । गु्रपको तर्फबाट प्राप्त एक सय २० थान कम्बल, एक सय २० थान पछेउरा र २० थान ज्याकेट वितरण गरिएको स्थानीय अगुवा राम केवल माझीले जानकारी दिए । गु्रपको सहयोगमा विपन्न परिवारले पाएको न्यानो कपडा तथा कम्बलका कारण उनीहरुलाई चिसोबाट बच्न थोरै भएपनि राहत मिलेको उन्को भनाई थियो ।

उक्त सामान विपन्न परिवार सम्म वितरणको लागि स्थानीय अगुवा माझले महत्वपुर्ण भुमिका निर्वाह गरेका उक्त सहयोगि संस्थाले जनाएको हो । प्राप्त मध्य चन्द्रनगर–६, कामदमा दुई सय जनालाई कम्बल, पछेउरा र ज्याकेट वितरण गरिएको थियो । बाँकी सामान हरिपुर नगरपालिका स्थित विभिन्न मुसहर वस्तीमा ६० जनालाई वितरण गरिने उन्ले जानकारी दिए ।

सर्लाही निर्वाचन क्षेत्र नम्बर १ का निवर्तमान प्रतिनिधि सभा सदस्य प्रमोद साहको उपस्थितीमा उक्त समाग्री वितरण गरिएको थियो । सहयोगी संस्था बिशाल ग्रुपले सामाजिक उत्तरदायित्व कोष मार्फत सहयोग उपलब्द गराएको कम्पनीका कुनाल थापाले जानकारी दिए ।

spot_imgspot_img
spot_img

लोकप्रिय

Related Articles