Wednesday, February 21, 2024

पहिलो सेमिफाईनलमा जावलाखेल र संकटा भिड्दै

ताजा / भरखरै प्राप्त

सातौँ राजर्षि जनक कप फुटवल प्रतियोगिता अन्तरगत पहिलो सेमिफाइनलमा संकटा र जावलाखेल भिड्ने भएको छ ।

बिहिवार बागमती नगरपालिका–११, स्थित स्वर्गिय सन्तोष श्रेष्ठ स्मृती खेल मैदानमा हुने पहिलो सेमिफाइनलमा संकटा र जावलाखेलले प्रतिस्पर्धा गर्न लागेका हुन् । दुवै टोली उपाधि खेल जित्दै उपाधि होडमा कायम रहने दाउमा रहने छन् । यो खेलको विजेता टोलीले कम्तिमा उपविजेताको उपाधि रक्षा गर्ने छ ।

जावलखेल यूथ क्लव ललितपुरले सोमिफाइनल प्रतिस्पर्धाको लागि यस पहिला भएको प्रिक्वाटर फाइनलमा सशस्त्र प्रहरीको एपिएफ क्लव र क्वाटरफाइनलमा साविक विजेता पिप्ले फुटवल क्लव हेटौडालाई पराजित गरेको थियो । भने, एक खेल बाई पाएर सिधै क्वाटरफाइनल खेलेको संकटा क्लवले नव जनजाग्रिती फुटवल क्लवलाई हराएको थियो ।

शुक्रवार हुने प्रतियोगिताको अन्तिम सेमिफाइनल खेलमा मच्छिन्द्र फुटवल क्लव र सुदुरपश्चिम–११, धनगढी विच प्रतिस्पर्धा हुने छ । यस भेटको लागि सुदुरपश्चिम–११,ले प्रिक्वाटरफाइनलमा पाहुना टोली यूनाईटेड कुर्सेङ दार्जलिङ र क्वाटरफाइनलमा चर्चब्वाईज यूनाईटेड ललितपुरलाई पराजित गरेको थियो । भने, एक खेल वाईपाउदै क्वाटरफाइनलमा प्रवेश गरेको मच्छिन्द्रले आयोजक बागमती यूवा क्लव सर्लाहीलाई पराजित गरेको हो ।

फागुण ७ गते हुने फाइन हुने प्रतियोगिताको विजेताले १० लाख नगद र राजर्षि रनिङ सिल्ड र उपविजेता टिमले नगद ५ लाख प्राप्त गर्ने छन् । यस्तै प्रतियोगितामा विधागत उत्कृष्ठ खेलाडिहरुलाई समेत पुरस्कार प्रदान गरिने आयोजक क्लवले जनाएको हो।

spot_imgspot_img
spot_img

लोकप्रिय

Related Articles