हरिवन–सर्लाहीको हरिवन स्थित चापिनीमा रहेको चुरे जनता आधारभुत बिद्यालयमा अक्षयकोष स्थापना तथा शौक्षिक सामाग्री वितरण गरिएको छ ।
आईतवार ७३ औँ प्रजातन्त्र दिवसको अवसरमा एक सहयोगी दाताले बिद्यालयमा अक्षयाकोष स्थापना गरिदिनुका साथै बिद्यार्थीहरुलाई शैक्षिक सामाग्री वितरण गरिदिएका हुन् । पुरानो घर हरिवन नगरपालिका–८, भई काठमाण्डौ बस्दै आएका डाक्टर नरेन्द्र प्रसाद मैनाली परिवारको सहयोगमा बिध्यालयमा अक्षयकोष स्थापना गरिएको बिध्यालय ब्यवस्थापन समिति अध्यक्ष दिपक उप्रेतीले जनाकारी दिए ।
डाक्टर मैनाली र उहाँकी श्रीमती प्रतिभा आचार्य मैनालीले एक लाख ११ हजार रुपैया बराबरको अक्षयकोष स्थापना गरिदिनु भएको बिध्यालयले जनाएको छ । अक्षयकोषको रकमबाट प्रतेक बर्ष प्रजातन्त्र दिवसको अवसरमा बिद्यालयमा रचनात्मक कार्य गरिने उल्लेख छ । सहयोगी दाता डाक्टर मैनालीले कोषको रकम प्रतेक बर्ष बढाउदै लैजाने र एक शिक्षकको तलव सोही कोषबाट दिनपुग्ने बनाउने प्रतिबद्धता समेत ब्यक्त गरेका छन् ।
सोही कार्यक्रम मार्फत बिद्यालयमा अध्यनरत बालबालिकाहरुलाई कपि, सिसापेन्सिल, ईरेजर लगाएतका शैक्षिक सामाग्री समेत वितरण गरिएको थियो । बिध्यालय ब्यवस्थापन समितिका अध्यक्ष उप्रेतीको अध्यक्षतामा सम्पन्न कार्यक्रमका हरिवन नगरपालिकाका मेयर रमेश बुढाथोकी (कमल)को प्रमुख आतिथ्यता रहेको थियो । भने, नगरकी उपमेयर हरिमाया घलान, सहयोगी डाक्टर नरेन्द्र प्रसाद मैनाली तथा उहाँकी श्रीमती प्रतिभा आचार्य मैनालीको बिशिष्ठ आतिथ्यता रहेको बिध्यालयले जनाएको हो ।
कार्यक्रममा वडाध्यक्ष प्रज्वल ढुंगाना, बागमती सेवा समाजका अध्यक्ष भरत कुमार कार्की, नेता चुडामणी वाग्ले लगाएतको आतिथ्यता रहेको थियो । प्रजातन्त्र दिवसको अवसरमा बिद्यालयले विभिन्न कार्यक्रम सम्पन्न गरी उत्कृष्ठ बिध्यार्थीहरुलाई पुरस्कृत समेत गरेको जनाएको छ ।
