Friday, February 23, 2024

खस्कदो शैक्षिक गुणस्तर उकास्न प्रधानाध्यापकसँग सुझाव संकलन

ताजा / भरखरै प्राप्त

राधेश्याम कुशवाह, गोडैता–शिक्षा विकास तथा समन्वय इकाइ, सर्लाहीले खस्कदो शैक्षिक गुणस्तर उकास्न प्रधानाध्यापकसंग लिखित सुझाव संकलन गरेको छ ।

गोडैता नगरपालिका–१०, सिसौटिया स्थित नारायणहरि माध्यमिक विधालयमा जिल्ला स्तरीय शैक्षिक गुणस्तर अभिवृद्धिका लागि माध्यमिक तहका प्रधानाध्यापकहरूसंग अन्तरक्रिया आयोजना गरिएकोे हो । कार्यक्रममा मौजुदा शैक्षिक नीति तथा कार्यक्रम कार्यान्वयनमा देखिएका समस्या र समाधानका उपाय, शैक्षिक गुणस्तर अभिवृद्धिमा प्रधानाध्यापकको भूमिका र विधालय शिक्षा क्षेत्र कार्यक्रमको कार्यान्वयनमा विधालयको भूमिका विषयमा घनिभूत छलफल भएको थियो ।

छलफलमा सहभागी प्रधानाध्यापकहरूबाट लिखित सुझाव संकलन गरिएको शिक्षा विकास तथा समन्वय इकाइ, सर्लाहीका प्राविधिक सहायक सुनिल कुशवाहाले जानकारी दिए । पब्लिक माध्यामिक बिद्यालय, मलंगवाका प्रधानाध्यापक सुवास कुमार यादवले शैक्षिक नीति तथा कार्यक्रममा राजनीतिक दलको मजबुत पकडका कारण शैक्षिक गुणस्तर खस्कदै गएको टिप्पणी गरे । उनले नेपालको शैक्षिक नीति तथा कार्यक्रम समेत समय र आवश्यकता अनुसार परिमार्जित नभएको बताए ।

घोकन्ते शिक्षा प्रणाली, पश्चिमा शिक्षा प्रणाली, पुरानो पाठयक्रम, पुरानोे राष्ट्रिय शैक्षिक उदेश्य, शैक्षिक प्रक्रिया तथा मूल्यांकन विधि कायम रहेकोले पनि शैक्षिक अवस्था बिग्रिदै गरेको उल्लेख गरे । शिक्षा क्षेत्रलाई राजनीतिक भन्दा टाढा राखी समय सापेक्ष व्यवहारिक शिक्षामा जोड दिनु पर्ने उनको भनाई थियो । वैज्ञानिक तथा प्रयोगात्मक शिक्षा प्रणालीमा जोड दिन सके शैक्षिक गुणस्तर सुधार्न सकिने उन्को भनाई थियो ।

शैक्षिक नीति तथा कार्यक्रम कार्यान्वयनका लागि स्थानीय सरकार तथा सरोकारवाला पक्षको भूमिका स्पष्ट हुनु पर्ने हरिवन–८, स्थित महादेव जनता माध्यामिक बिद्यालयका सहायक प्रधानाध्यापक गिरीराज राना बताउँछन । उनले खस्कदो शैक्षिक गुणस्तरमा राज्यको शिक्षा सम्बन्धी अस्थिर नीति तथा डिजिटल टुल÷वेबसाइटको प्रयोग गर्न नसक्नुलाई समेत दोष दिए । प्रविधिको कमजोर प्रयोगका कारण पनि समय सापेक्षा शिक्षण सिकाई हुन नसकेको दावी गरे ।

बालगोविन्द माध्यामिक बिद्यालय, कविलासी–२, पिपरियाका प्रधानाध्यापक बद्री नारायण मिश्रले निःशुल्क शिक्षा ऐन बमोजिम क्रियाकलाप नभएको स्वीकार गरे । संघीय शिक्षा ऐन हालसम्म लागू नभएको उन्को भनाई थियो । शिक्षक विधार्थी अनुपात अनुसार दरबन्दी नहुनु, शिक्षक समान(एउटै) किसिमको नहुनु, उच्च माध्यामिक बिद्यालय निजि स्रोतबाट सञ्चालन गर्नुपर्ने बाध्यता शिक्षा क्षेत्रको मुख्य समस्या रहेको उन्को तर्क थियो ।

विधालयले कुनै किसिमको शुल्क नलिदा विधालयको खर्च व्यवस्थापन संघीय सरकार मार्फत नहुदा संचालनमै समस्या हुनेगरेको उनले बताए । बिध्यालय सगँ कुनै साधन श्रोत नहुने तर, सबै जिम्मा बिध्यालयलाई लगाउने गर्दा समेत यस्तो अवस्था सृजना भएको सहभागि शिक्षकहरुको भनाई थियो । कार्यक्रममा जिल्लाका ८४ वटा सामुदायिक बिद्यालयका प्रधानाध्यापक तथा बिध्यालय ब्यवस्थापन समितिका पदाधिकारीहरुको सहभागिता रहेको थियो ।

गोडैता नगरपालिकाका मेयर देवेन्द्र कुमार यादवको प्रमुख आतिथ्य तथा नारायणहरि माध्यमिक विधालय सिसौटियाका प्रधानाध्यापक मनोज कुमार रायको अध्यक्षता सम्पन्न भएको कार्यक्रमलाई इकाइका प्राविधिक सहायक सुनिल कुशवाहाले संचालन गरेका थियो । सर्लाहीका इकाइ प्रमुख रामअधार सिंह कुशवाहा, नेपाल शिक्षक महासंघ अध्यक्ष नरेन्द्र यादव, गोडैता नगरपालिकाका शिक्षा, युवा तथा खेलकुद शाखा प्रमुख प्रमोद कुमार यादव, विधालय व्यवस्थापन समितिका अध्यक्ष गोपी मण्डल लगायतकाको आतिथ्याता रहेको थियो ।

spot_imgspot_img
spot_img

लोकप्रिय

Related Articles