सर्लाही प्रहरीले जिल्लाको विकट नारायण खोलामा लगाएको अबैध गाँजा खेती फडानी गरेको छ ।
आईतवार प्रहरीले लालबन्दी नगरपालिका–१४, नारायण खोलामा लगाएको लगभग ८ विगाहा अबैध गाँजा खेती नष्ट गरेको हो । ठुलो क्षेत्रफलमा अबैध गाँजा खेती भईरहेको सूचनाको आधारमा प्रहरी गाँजा फडानी गर्न पुगेको थियो । जिल्लाकै विकट मानिने नारायण खोला पुगेर प्रहरीले अबैध गाँजा खेती नष्ट गरेको जिल्ला प्रहरी सर्लाहीका एसपी नरेशराज सुवेदीले जानकारी दिए ।
यस पहिलाका एसपी प्रविण पोखरेको सरुवा भएपछि एसपी सुवेदी गतहप्तामात्र हाजिरहुन आईपुगेका हुन् । यसरी लगाईएको अबैध गाँजा खेती क्रमैसगँ नष्ट गरिने उन्ले बताए । नारायण खोला क्षेत्रमा प्रहरीले पटक–पटक स्थानीयले लगाएको प्रतिबन्धित गाँजा फडानी गर्दै आएको छ । प्रहरीले फडानी गरेको गाँजाको बोट आगो लगाएर नष्ट गरेको जिल्ला प्रहरी कार्यलय सर्लाहीका डिएसपी विजय यादवले जानकारी दिए ।
यता जिल्लाको विकट चुरे क्षेत्र नारायण खोला, मोटरदोभान लगाएतका गाउँमा राम्रो आम्दानीको लोभमा स्थानीले प्रतिबन्धित गाँजा खोती गर्दै आएका छन् । अन्यबाली भन्दा गाँजाले सय गुणा बढि फाईदा दिने भएपछि उनीहरु यस तर्फ आकर्षित भएका हुन् । पाक्ने बेला भएको गाँजा प्रहरीले आएर नष्ट गरे पछि ठुलो नोक्सानी भएको एक स्थानीयले गुनासो गरे ।
सर्लाहीको नारायण खोला, मटरदोभान लगाएतको स्थानमा उत्पादन हुने गरेको गाँजा भारतका बजारमा तस्करीहूने गरेको छ । यसरी गाँजा तस्करी गर्ने सयौँ बर्षेनी पक्राउ पर्ने गरेका छन् । प्रहरीले गाँजा खोती फडानी गरेर नष्ट गर्ने देखी, तस्कर पक्राउ सम्म गरिरहेको भएपनि गाँजाको कारोवार तथा तस्करी जिल्लामा कमहुन नसकेको जानकारहरुको भनाई छ ।
