Friday, February 23, 2024

सर्लाहीको हरिपुरमा पाचौँ माघी महोत्सव उद्घाटन

ताजा / भरखरै प्राप्त

सर्लाहीको हरिपुरमा थारु सम्बत २६४७ को अवसरमा पाचौँ तिला संक्रान्ति (माघी) महोत्सव २०७९ सुरु भएको छ ।

सोमवार हरिपुर–५, पचगछियामा एक कार्यक्रमका विच पाचौँ तिला संक्रान्ति माघी महोत्सवको प्रतिनिधि सभा सदस्य राम प्रकाश चौधरीले उद्घाटन गरे । थारु समुदायको कला सस्कृती संरक्षणको उद्येश्य लिएर बर्षेनी माघे संक्रान्तिको अवसरमा महोत्सव आयोजना हुदै आएको छ । यस महोत्सवमा थारु समुदायको भेष भुषा, कला, सस्कृती बिषेश रुपमा प्रदर्शन गरिने आयोजकले जनाएको हो ।

यस्ता महोत्सवको माध्यमबाट थारु समुदायको पौराणिक कला संस्कृती संरक्षण तथा पुस्तान्तरणमा समेत टेव पुग्ने कार्यक्रमका बक्ताहरुको धारण थियो । उद्घाटन समारोह पहिले थारु भेष भुषामा सजियका महिला तथा यूवतीहरुले बाँजागाजा सहित विभिन्न कला प्रदर्शन गर्दै र्यली निकालेका थिए । आज र भोली गरेर दुई दिन संचालन हुने महोत्वको पहिलो दिन उद्घाटन समारोह सम्पन्न भएको हो ।

आईतवार काठमाण्डौबाट पोखराका लागि उडेको जहाज दुर्घटनामा परेर ६९ जनाको ज्यान गएको घटनाले आजको कार्यक्रम समेत भोलीलाई सारिएको आयोजकले जनाएका छन् । पुर्ब निर्धारित कार्यक्रम भएकाले सरकारले घोषणा गरेको शोक विदालाई मध्यनजर गर्दे आज उद्घाटन गरेर छाडिएको आयोजक थारुकला सस्कृती आयोजना समिति हरिपुरले जनाएको हो ।

महोत्सवमा कला सस्कृती झल्कने थारु नृत्य प्रतियोगिता समेत आयोजना गरिएको छ । प्रतियोगिताम प्रथम, द्धितिय र तृतियहुनेले उपाधि सहित क्रमश २० हजार, १५ हजार र १० हजार नगर पुरस्कार समेत प्राप्त गर्ने हरिपुर नगरपालिकाका मेयर गोपाल पंजियारले जानकारी दिए । यस बर्षको महोत्सवमा ‘नेपालके आदिवासी जनजातीके शान, थारु कला सस्कृती हमर पहिचान’ भन्ने नारा तय गरिएको छ ।

प्रतिनिधि सभा सदस्य चौधरीको प्रमुख आतिथ्यतामा सम्पन्न मेला उद्घाटन कार्यक्रमा पुर्व सांसद रामचन्द्र चौधरी, पुर्व सांसद रंजना सरकार, हरिपुर नगरपालिकाका नगर प्रमुख गोपाल पंजियार, उप प्रमुख निलम देवी राय यादव, प्रशासकिय प्रमुख दिवाकर भुजेल, थारु समुदायका अग्रज बुद्धिजिवी, विभिन्न संघ सस्थकामा प्रमुख एवं प्रतिनिधिहरु र स्थानीयको उल्यख्य उपस्थिती रहेको थियो ।

सर्लाहीको चन्द्रनगरमा पनि हिजो माघे संक्रान्तिको अवसर पारेर तिला संक्तान्ति कार्यक्रम सम्पन्न गरिएको छ । स्थानीय कला संस्कृतीको संरक्षण सम्बर्धन तथा पुस्तान्तरणको लक्ष्य राखेर कार्यक्रम आयोजना गरिएको आयोजकले जनाएको हो । कार्यक्रममा स्थानीय कला, सस्कृती प्रदर्शनी तथा प्रतिस्पर्धा कार्यक्रम समेत राखिएको थियो ।

spot_imgspot_img
spot_img

लोकप्रिय

Related Articles