Wednesday, February 21, 2024

विभिन्न कार्यक्रम सहित ३० औँ नारायण स्मृति दिवस मनाइयो

ताजा / भरखरै प्राप्त

हरिवन–सर्लाहीको हरिवनमा शुक्रबार ३० औँ नारायण स्मृति दिवस विभिन्न कार्यक्रम गरी मनाइएको छ ।

शुक्रबार हरिवन नगरपालिका–११, वडा कार्यलय प्रंगणमा तत्कालिन हरिवन नगरपालिकाको प्रथम जननिर्वाचित गाविस अध्यक्ष समेत रहेका स्वर्गिय नारायण उप्रेतीको स्मृती दिवस मनाईयको हो । लोकतान्त्रिक ब्यवस्थाको पक्षमा आन्दोलित उप्रेतीको २०४९ सालमा राज्य पक्षका सुरक्षाकर्मीको कठोर यातनाका कारण मृत्यु भएको थियो ।

बिहान हरिवन स्थित पुरानो नगरपालिका कार्यायलको हाताभित्र रहेको उप्रेतीको शालिकमा माल्यअर्पण गरिएको हो । त्यस पछि संचालन भएको औपचारिक कार्यक्रमका अधिकांश बक्ताले स्वर्गीय उप्रेतीको योगदानको चर्चा गरेका थिए । कार्यक्रममा बोल्दै कार्यक्रमकी प्रमुख अतिथि प्रतिनिधि सभा सदस्य सरस्वती सुब्बाले स्वर्गीय उप्रेतीले त्यतिबेला देखाएका बाटो आजको आबश्यता भएको बताईन् ।

नारायण उप्रेती स्मृति प्रतिष्ठानका अध्यक्ष राजकुमार उप्रेतीको अध्यक्षतामा सम्पन्न कार्यक्रममा प्रतिनिधि सभाकी सदस्य सुब्बाको प्रमुख अतिथ्यिता रहेको थियो । कार्यक्रममा हरिवन नगरपालिकाका मेयर रमेश बुढाथोकी (कमल), उपमेयर हरिमाया घलान, पूर्व प्रदेशसभा सदस्य डिल्लीप्रसाद उप्रेती, रामप्रसाद घिमिरे, चूडामणि वाग्लेलगायतले मन्तव्य राखेका थिए ।

कार्यक्रममा यस अवसरमा सम्पन्न निवन्ध प्रतियोगितामा उत्कृष्ठहुने विभिन्न बिद्यालयका छात्रछात्रा र गत वर्ष हरिवन नगर भित्र एसईई तथा प्ल टूमा सर्वोत्कृष्ट अंक ल्याउने विद्यार्थी गरी ४६ जनालाई प्रमाणपत्र सहित सम्मान गरिएको प्रतिष्ठानका महासचिव विदुरकुमार प्याकुरेलले जानकारी दिए ।

spot_imgspot_img
spot_img

लोकप्रिय

Related Articles