मनोकामना बहुउद्धेश्य सहकारी संस्था हरिवनले १५ प्रतिशत शेयर लाभांश वितरण गर्ने भएको छ ।
बिहिवार आयोजित संस्थको १७ बार्षिक साधारण सभा मार्फत संस्थाले १५ प्रतिशत शेयर लाभांश वितरण गर्ने जनाएको हो । हरिवन नगरपालिका–१, स्थित भोक्टेनीमा संस्थाले संचालन गरेको मनोकामना आवाशिय बिद्यालय पं्रागणमा संस्थाको साधारण सभा सम्पन्न भएको थियो । सभाको प्रमुख अतिथि हरिवन नगरपालिकाका मेयर रमेश बुडाथोकी (कमल)ले उद्घाटन गरेका थिए ।
संस्थाले गत आर्थिक बर्ष २०७८÷०७९ मा गरेको कारोवारको लेखा प्रतिवेदन संस्थाका प्रवन्धक सन्तोष पाण्डेले सभा समक्ष प्रस्तुत गरे । संस्थाको लेखा परिक्षण प्रतिवेदन अनुसार गत आर्थिक बर्षमा ४० करोड ३२ लाख ६१ हजार ८ सय १० रुपैया बराबरको कुल कारोवार गरेको छ । त्यसबाट २ करोड १४ लाख १० हजार ६ सय ३९ रुपैयाँ खुद मुनाफा आर्जन गरेको प्रवन्धक पाण्डेले बताए ।
यसै विच संस्थाले बार्षिक साधारण सभाको अवसरमा उत्कृष्ठ बचत कर्ता, उत्कृष्ठ ऋणी एक÷एक जना र संस्थाका उत्कृष्ठ बालबचत प्रथम, द्धतिय, र तृतिय हुने तिनजनालाई नगद पुरस्कार, प्रशंसा पत्र र मायाको चिनो मार्फत सम्मानित गरेको छ । यस्तै सोही अवसरमा संस्थाका उत्कृष्ठ कर्मचारी राहुल कुमार सहनीलाई समेत सम्मान गरेको थियो ।
सोही कार्यक्रमका विच संस्थाले हरिवन नगरपालिका–१, भोक्टेनीमा संचालन गरेको मनोकामना आवासिय बिद्यालयको औपचारिक उद्घाटन समेत गरेको छ । कक्षा ६ सम्म पढाई भईरहेको उक्त विद्यालय गत तिन शैक्षिक सत्रदेखी संचालन भईरहेको छ ।
पुर्व मन्त्री समेत रहेका संस्थाका अध्यक्ष शम्भुलाल श्रेष्ठको अध्यक्षतामा सम्पन्न सभामा हरिऔन नगरपालिकाका मेयर बुढाथोकी प्रमुख अतिथि, उपमेयर हरिमाया घलान र पुर्व उपमेयर रेणुका पौडेल बिशिष्ठि अतिथि रहेका थिए । यस्तै हरिवन नगरपालिका–११, का वडाध्यक्ष शेष मेहवुव रेजा, चुडामणी वाग्ले, हरिवन नगर सहकारी संजाल अध्यक्ष समृद्धि साकोसका उपाध्यक्ष डाकुरनाथ खत्तिवडा लगाएतको आतिथ्यता रहेको संस्थाले जनाएको हो ।
१७ बर्ष अघि दर्ता भएको यस संस्थामा पुरुष १ हजार २ सय ६४ जना र महिला १ हजार २ सय ९० जना गरी, २ हजार ५ सय ८० जना शेयर सदस्य शेयर सदस्य आवद्ध छन् ।
