Thursday, June 13, 2024

बागमतीले ३० औँ त्रिवेणी कपको उपविजेतामा चित बुझायो

ताजा / भरखरै प्राप्त

सर्लाहीको बागमती यूवा क्लव त्रिवेणी कप फुटबल प्रतियोगिताको ३० औं संस्करणको उपविजेता बनेको छ ।

लमजुङको बेसीसहरमा मंगलबार सम्पन्न फाइनल खेलमा चितवनको सेन्ट्रल कलेज रामपुर सगँ पराजित हुदै बागमती युवा क्लब सर्लाहीले उपविजेताको उपाधिमा चित्त बुझाएको हो । बागमती पेनाल्टी सुटआउटमा रोड्स रामपुर सगँ पराजित हुन पुग्यो । प्रतियोगिताको उपाधि चितवनको रोड्स रामपुरले चुमेको छ ।

अनिल रानाले खेलको १८ औं मिनेटमा गोल गर्दै दिलाएको सुरुआती अग्रता जोगाउन नसक्दा बागमती यूवा क्लव पराजित भयो । रोमान्चक खेलको निर्धारित समय र थप गरिएको समय १–१ गोलको बराबरीमा सकिएपछि पेनाल्टीबाट खेलको निर्णय लिईएको थियो । पेनाल्टीमा ४–३ ले रोड्स रामपुर विजयी भयो ।

त्रिवेणी युवा क्लबले आयोजना गरेको प्रतियोगिताको उपाधिसँगै रामपुरले ५ लाख प्राप्त गर्दा उपविजेता बागमतीले ३ लाख मात्र प्राप्त गरेको छ । यस्तै सेमिफाइनलमा पराजित टोलीले ५०÷५० हजार पाएका छन् । प्रतियोगितामा सर्वोत्कृष्ट खेलाडीको उपाधि रामपुर रोड्सका सुरेश कुमालले पाए ।

यस्तै सर्वाधिक गोलकर्ता बागमतीका देव गुरुङ, रामपुरका सुरेश कुमाल र समाज कल्याणका अब्दुल्लाहले संयुक्तरुपमा पाए । उत्कृष्ट गोलकिपरको उपाधि बागमतीका रबिन बस्नेतले चुमे ।

spot_imgspot_img
spot_img

लोकप्रिय

Related Articles