Wednesday, February 21, 2024

नेकपा (माओवादी केन्द्र)पार्टी केन्द्रिय सदस्य बलको निधन

ताजा / भरखरै प्राप्त

सर्लाही–नेकपा (माओवादी केन्द्र)पार्टी केन्द्रिय सदस्य माया बलको निधन भएको छ ।

सर्लाहीको हरिवन नगरपालिका–१०, सुखेपाेखरी निवासी नेकपा (माओवादी केन्द्र)पार्टी केन्द्रिय सदस्य बलको ५३ बर्षको उमेरमा शनिवार राती काठमाण्डौमा निधन भएको हो । तिनहप्ता पहिला हृदयघात भएपछि उन्लाई काठमाण्डौ स्थित केएमसी अस्पताल भर्ना गरिएको थियो । उन्को उपचारकै क्रममा निधन भएको पारिवारीक श्रोतले जनाएको छ ।

पछिल्लो केही दिन यता सुधारउन्मुख हुदै गएको नेतृ बलको स्वास्थ्य अवस्था शनिवार एक्कासी बिग्रीए पछि भेन्टिलेटरमा राखिएको थियो । उन्को उपचार गर्दैगर्दा निधन भएको अस्पतालले जनाएको परिवारले बताए । विगत केही बर्ष देखी घाटीको क्यान्सरबाट समेत पिडित नेतृ बल नियमित उपचारमै थिईन् ।

२०५५ साल देखीनै उनी तत्कालिन नेकपा (माओवादी) पार्टीमा सकृय भएकी थिईन् । हक्की र निडर स्वभावकी नेतृ बलले माओवादी द्वन्द्वको समयमा ८ बर्ष भुमिगत जिवन समेत विताएकी थिइन् । उनी पार्टीको कर्मठ योद्वाको रुपमा रहेकी समकालिन राजनीतिक सहयात्रीहरु बताउछन् ।

नेतृ वलको निधनले उनको गाउँ बागमती नगरपालिका–२, धरहरा सोकमा डुबेको छ । उन्को निधले सिंगो समाजलाई अपुरणीय क्षती पुगेको नेकपा(माओवादी केन्द्र) बागमती नगर समितिले जनाएको छ । उनी नेकपा (माओवादी केन्द्र) निकट अखिल नेपाल महिला संघको केन्द्रिय सदस्य समेत हुन् ।

नेतृ वल गत मंसिर ४ गते सम्पन्न प्रतिनिधि सभा निर्वाचन २०७९ को सर्लाहीबाट प्रतिनिधि सभा समानुपातिक सदस्यको उम्मेदवार समेत थिईन् । उनको तिन छोरी एक छोरा छन् ।

spot_imgspot_img
spot_img

लोकप्रिय

Related Articles