Thursday, June 13, 2024

सर्लाही ट्रक ब्यवसायी संघको अध्यक्षमा पुनः दवाडी निर्वाचित

ताजा / भरखरै प्राप्त

हरिवन-सर्लाही ट्रक ब्यवसायी संघको अध्यक्षमा राम बहादुर दवाडी पुनः निर्वाचित भएका छन् ।

शनिवार राती अबेर सम्पन्न संघको चौँथो अधिबेशनबाट दवाडी पुनः अध्यक्षमा निर्वाचित भएका हुन् । दवाडी १२ मतान्तरले कुमार प्रधानलाई पछिपार्दै विजयी भए । विजयी दवाडीले ४८ मत प्राप्त गर्दा प्रधानले ३६ मत मात्र पाए । संघको सर्वसहमतीबाट नेतृत्व चयन गर्ने प्रयास असफल भएपछि दवाडी र प्रधान प्यानल सहित चुनावी मैदानमा उत्रिएका थिए ।

त्यस्तै ४५ मत सहित संघको बरिष्ठ उपाध्यक्षमा रामकुमार खड्का विजयी भएका छन् । निकटतम प्रतिस्पर्धी दामोदर वस्नेतले ३७ मत मात्र पाए । पहिलो उपाध्यक्षमा ४७ मत सहित अनिल कुमार अमात्य, दोश्रो उपाध्यक्षमा ४८ मत सहित काली प्रसाद सापकोटा विजयी भएका छन् । भने, सचिवमा ४२ मत सहित हरिचन्द्र दास निर्वाचित भए । दाशले ब्रह्मदेव रायलाई २ मतान्तरले पछि पारे ।

संघको सह–सचिवमा रोशन भट्टराई ४८ मतसहित विजयी भएका छन् । अन्य पदमा प्रतिस्पर्धा भईरहदा संघको कोषाध्यक्ष पदका उम्मेदवार बालकुमार पोते भने निर्विरोध निर्वाचित भए । संघको सदस्यहरुमा दहाल प्रसाद मैनाली, सूर्य प्रसाद दाहाल, लालदेव दास, नारायण प्रसाद सापकोटा, जयमान पाख्रिन, नवराज भट्टराई र विष्णु बहादुर दर्लामी निर्वाचित भएका छन् ।

निर्वाचित मध्ये १२ जना दवाडी प्यानल र एक जना सदस्य प्रधान प्यानलका हुन् । शनिवार रातीनै निर्वाचित पदाधिकारीहरुलाई निर्वाचन समितिका संयोजक शम्भु मैनालीले पद तथा गोपनियताको सपथ ग्रहण गएका संघका संस्थापक अध्यक्ष राजन केसीले जानकारी दिए ।

यस पहिला उद्घाटन सत्रको सर्लाही क्षेत्र नम्बर ३ का संघीय सांसद हरि प्रसाद उप्रेतीले समुद्घाटन गरेका थिए । सभालाई समानुपातिक सांसद सरस्वती सुब्बा, प्रदेशसभा सदस्य जवाहरलाल कुशवाहा, हरिवन नगरपालिकाका निवर्तमान मेयर गणेश प्रसाई लगाएतले सम्बोधन गरे । अधिवेसन हरिवन नगरपालिका स्थित नयारोडमा रहेको संघ कार्यलयको सभाहलमा सम्पन्न गरिएको हो ।

spot_imgspot_img
spot_img

लोकप्रिय

Related Articles