Thursday, June 13, 2024

लेनदेनको बिषयमा गोली प्रहार, एक युवक घाईते

ताजा / भरखरै प्राप्त

रामनगर-सर्लाहीको रामनगरमा लेनदेनको बिषयमा एक युवक माथि गोली प्रहार भएको छ ।

शुक्रवार साझ रामनगर गाउँपालिका–६, स्थित सिसौट–रामबन सडक खण्डमा सोही स्थानमा ३२ वर्षीय सुरेश साह माथि गोली प्रहार भएको हो । गोली प्रहार घटनाको पछाडी लेनदेनको विषय भएको प्रहरीको प्रारम्भिक अनुसन्धानबाट खुलेको छ । प्रहरीले घटनामा संलग्न एक युवकलाई समेत पक्राउ गरेको छ ।

घटनामा साहको पाखुरामा गोली लागेको छ । उन्को अवस्था सामान्य रहेको र अहिले प्रादेशिक अस्पताल मलंगवामा उपचार भईरहेको जिल्ला प्रहरी कार्यलय सर्लाहीका प्रवक्ता एवं डिएसपी विजय यादवले जानकारी दिए । घटनामा अन्य दुईजना संलग्न रहेको प्रहरीले जनाएको छ ।

फरार रहेका उनीहरुको समेत खोजी भईरहेको जिल्ला प्रहरी कार्यलय सर्लाहीले जनाएको हो । पक्राउ पर्नेमा धन्कौल गाउँपालिका–६, धोविनियका २२ बार्षका राम प्रवेश साह रहेको प्रहरीले जनाएको हो । प्रहरीका अनुसार पक्राउ परेका रामप्रवेश र घाईते सुरेश नातामा मामा र फुपुको छोरा हुन् ।

उनीहरु विच पुरानो लेनदेन रहेको श्रोतले जनाएको छ । रामप्रवेशले सोही लेनदेन वापतको ७ लाख रुपैया लिन शुरेसलाई बोलाएका थिए । घाईते शुरेस सशस्त्र प्रहरी १५ नम्बर गण काभ्रेमा कार्यरत सशस्त्र प्रहरी जवान हुन् । उनी पैसा लिन भनेर बिहिवार मात्र सर्लाही घर आएका थिए ।

साझ पनि उनीहरु रामनगर बजार स्थित एक होटलमा सगैँ बसेर खाजा खाएका थिए । त्यसपछि रामप्रवेशले होटलबाट केही पर एकान्त स्थानमा पुर्याए पछि शुरेस माथि गोली प्रहार भएको प्रहरीले जनाएको छ ।

spot_imgspot_img
spot_img

लोकप्रिय

Related Articles