बरहथवा–नेपाल बिद्युत प्रधिकरण बितरण केन्द्र बरहथवाले बिद्युत चोरी गर्ने ७ जनालाई पक्राउ गरेर कार्वाही गरेको छ ।
बुधवार राती बरहथवा नगरपालिका–१६, टिकुलीयाबाट प्राधिकरणको टोलीले ७ जनालाई बिद्युत चोरी गरेको अवस्थामा पक्राउ गरेको हो । उनीहरुलाई बिद्युत चोरी तथा चुहावट ऐन अन्तरगत कार्वाही पछि छाडिएको प्रधिकरण बितरण केन्द्रका प्रमुख छोटेलाल यादवले जानकरी दिए । बिधुत चोरी भईरहेको सूचना पछि केन्द्रका कर्मचारी सुरक्षाकर्मी राती छड्केचेकमा पुगेका थिए ।
चेकिंगका क्रममा बिद्युत चोरी (हुकिंग) गरेर मोटर चलाएको बत्ति बालेको पाहिएको केन्द्र प्रमुख यादवले बताए । उत्तरी क्षेत्रको अनुपातमा जिल्लाको दक्षिणी क्षेत्रमा अधिक बिद्युत चोरी(चुहावट) हुने गरेको छ । बिद्युत चोरी नियन्त्रणका लागि केन्द्रले बेला बेलामा छड्केचेक अभियाननै संचालन गर्ने गरेको छ ।
यसैविच बरहथवा बितरण केन्द्रले चालु आर्थिक बर्षको ५ महिनामा मात्र बिद्युत चोरी गर्ने १ सय १७ जनालाई पक्राउ गरेर कार्वाही गरेको छ । उनीहरुलाई गरिएको दण्ड जरिवानाबाट ९ लाख रुपैया राजश्व समेत संकलन भएको केन्द्रका प्रमुख यादवले बताए । कार्यलयले बिद्युत चोरी गरेर प्रयोग गरिएको बिद्युतीय उपकरण समेत जफत गर्ने गरेको छ ।
यस्तै नेपाल बिद्युत प्रधिकरण लालबन्दी बितरण केन्द्रले बकौता महसुल बुझाउन आग्रह गरेको छ । सूचना प्रकाशित गर्दै बितरण केन्द्र लालबन्दीले मिटर रिडिङ भएको ६० दिन भित्रमा बिद्युत महसुल बुझाउन आग्रह गरेको हो । समयमा बिद्युत खपत बापतको बिल रकम नबुझाए जुन सुकै समय लाईन काटिने चेतावनी समेत दिएको हो ।
यस्तै ग्राहकको सुविधाको लागि केन्द्रले हरिवन र ईश्वरपुरमा संचालनमा ल्याएको मोवायल आय काउन्टरबाट समेत सेवा लिन बितरण केन्द्रले अनुरोध गरेको छ । केन्द्रले संचलन गरेको उक्त काउण्टरबाट सार्वजनिक बिदाको दिनबाहेकका दिनमा १० बजे देखी २ बजे सम्म बिदुत महसुल बुझाउन सकिने सूचना मार्फत जानकारी गराईएको केन्द्रले जनाएको हो ।
