Friday, February 23, 2024

जनवाल कल्याण मावी धरहराद्वारा छात्रवृती तथा पुरस्कार वितरण

ताजा / भरखरै प्राप्त

बागमती-सर्लाहीको बागमती नगरपालिका स्थित धरहरामा रहेको एक बिद्यालयले छात्रवृती तथा पुरस्कार वितरण गरेको छ ।

शुक्रवार बागमती नगरपालिका–२, धरहरामा रहेको श्री जनवाल कल्याण माध्यामिक बिद्यालय धरहराले औपचारिक कार्यक्रमका विच छात्रवृत्ति तथा कक्षागत उत्कृष्ट बिद्यार्थीहरुलाई पुरस्कार वितरण गरेको हो । बिद्यालय प्रंगणमा आयोजित कार्यक्रम मार्फत नगर प्रमुख भरत कुमार थापाले पुरस्कार एवं छात्रवृत्ति वितरण गरेका बिध्यालयका प्रधानाध्यापक तथा ब्यवस्थापन समिति सदस्य सचिव प्रकाश बहादुर जिम्बाले जानकारी दिए ।

बिद्यालय ब्यवस्थापन समिति अध्यक्ष टंक बहादुर बोहराको सभाध्यक्षतामा आयोजित कार्यक्रम मार्फत शौक्षिक सत्र २०७८ को छात्रवृत्ति वितरण गरिएको हो । कार्यक्रममा शैक्षिकसत्र २०७८ मा १ देखी ९ सम्म कक्षागत उत्कृष्ठ हुने १० जना छात्र छात्राहरुलाई पुरस्कार समेत वितरण गरिएको थियो । कक्षागत रुपमा उत्कृष्ठ भएका मध्य १ देखी ५ सम्मका बिद्यार्थीहरुलाई बिद्यालयको नाम र लोगो अंकित झोला र ट्रयाक सुट वितरण गरिएको बिद्यालयले जनाएको हो ।

यस्तै कक्षा ६ देखी ९ सम्मका ५ जना छात्र छात्राहरुलाई एक–एक थान साईकल पुरस्कार स्वरुप प्रदान गरिएको बिद्यालयका शिक्षक निर्मल तिमल्सिनाले जानकारी दिए । यसरी पुरस्कृत हुनेमा कक्षा १ देखी ९ सम्मका सुप्रिया डिमडोम, राची घलान, सपना कालिकोटे, निशा केसी, सन्ध्या लोप्चन, स्मृती बोहरा ६(ए), गंगा खत्री६(बि), अविनाश मोक्तान, सुष्मा कुमारी साह, घनश्याम कुमार महतो रहेका बिद्यालय प्रशासनले जनाएको हो ।

नगर प्रमुख थापाको प्रमुख आतिथ्यता रहको कार्यक्रममा नगरका शिक्षा शाखा प्रमुख मिन प्रसाद उपाध्यायको विशिष्ट आतिथ्यता रहको थियो । यस्तै वडाध्यक्ष टेक बहादुर बल, नगर शिक्षा शाखाका ओम बहादुर कार्की, बिद्यालय ब्यवस्थापन समितिका बरिष्ठ सदस्य गिता बहादुर भट्टराई, ३ नम्बर वडाका वडासदस्य श्रीमान स्यांतान, रुपा बोम्जन, २ नम्बर वडा सदस्य सिता परियार, शुशिला कुमारी थापा, प्रधानाध्यापक भरत बहादुर थापा, सुरेश यादव, स्थानीय अभिभावक लगाएतको आतिथ्यता रहेको थियो ।

कार्यक्रममा बिद्यार्थी, शिक्षक, शिक्षिका, अभिभावक लगाएतको सहभागिता रहको बिद्यालयका प्रधानाध्यापक जिम्बाले जानकारी दिए ।

spot_imgspot_img
spot_img

लोकप्रिय

Related Articles