Friday, February 23, 2024

हरिवन नगरपालिकाको दमकल संचालनमा बागमतीको पनि साझेदार

ताजा / भरखरै प्राप्त

बागमती – सर्लाहीको हरिवन नगरपालिका सगँ रहेको दमकल संचालनमा बागमती नगरपालिका कार्यलयले पनि साझेदार गरेको छ ।

दमकल संचालन खर्च वार्षिक ३ लाख रुपैयाँ दिने गरी सोमबार बागमती नगरपालिकाका प्रमुख भरत कुमार थापा र हरिवन नगरपालिकाका मेयर रमेश बुढाथोकीले साझेदारी पत्रमा हस्ताक्षर गरेका हुन् । हरिवन नगरपालिका सगँ रहेको दमकल जिल्ला तथा जिल्ला बाहिर समेत आग्लागी हुदा प्रयोग हुदै आएको छ । तर, सम्पुर्ण संचालन खर्च हरिवन नगरपालिकाले मात्र ब्यहोर्दै आएको थियो ।

एउटा नगरपालिकाले संचालन खर्च ब्यहोरेर सबै तिर सुविधा पु¥याउन ठुलो आर्थिक भार पर्ने भएकाले साझेदारीको लागि आह्वान गरिएको हरिवन नगरपालिका कार्यलयले जनाएको हो । अब यस दमकल बागमती नगरपालिकाको कुनै पनि क्षेत्रमा आगलागी भए अबिलम्ब उक्त क्षेत्रमा पुर्याउने सहमती सहित दमकल संचालक साझेदार बनेको बागमती नगरपालिका कार्यलयले जनाएको छ ।

वार्षिक ३ लाख संचालन खर्च ब्यहोर्ने गरी केही दिन अघि मात्र ईश्वरपुर नगरपालिकाले समेत साझेदारी पत्रमा हस्ताक्षर गरेको थियो । आगलागीको समयमा नभई नहुने दमकल संचालन र मर्मत सम्भार निकै खर्चीलो रहेकोले हरिवन नगरपालिकाले उत्तरी भेगका अन्य पालिकालाई पनि साझेदारी गर्न पत्र पठाएको जनाएको छ ।

यस्तै, बागमती नगरपालिकाले छिमेकी नगरपालिका हरिवनलाई कर छुटमा ठुलो परिमाणमा ग्राभेल उपलब्द गराउने भएको छ । नगरपालिकालाई सडक स्तरउन्नती गर्न आवश्क ७५ हजार घनमिटर अर्थात् ६२ हजार २ सय ५० टिपर ग्राबेल कर छुट गरेर उपलब्ध गराउने आपसी समझदारी भएको हो । हरिवन नगरका जनताले सुविधाका लागि बागमतीले यस्तो निर्णय गरिएको जनाएको छ ।

यसैबीच, हरिवन नगरपालिकाको दमकल विभिन्न पालिका विच साझेदारीमा संचालन गर्ने सम्झौता भईरहदा जिल्लाको दक्षिणी क्षेत्र मलंगवा नगरपालिकाको एकमात्र दमकल बिग्रिएर थन्कीएको छ । विस्तारै हिउद याम अर्थात आगलागीको समय सुरुभएको भएपनि नगरको दमकलको वाटर पम्प बिग्रिएकाले थन्काइएको मलंगवा नगरपालिकाले जनाएको छ ।

दमकल तत्काल मर्मत संभार गरेर मात्रै संचालन गर्न सकिने अवस्थामा रहेको नगरपालिकाले जनाएको हो । मलंगवाको पुरानो दमकल रहेकोले बिग्रिएर हैरान पर्ने गरेको नगरपालिकाका एक कर्मचारीले बताए ।

spot_imgspot_img
spot_img

लोकप्रिय

Related Articles