Wednesday, February 21, 2024

‘सि’ डिभिजनमा छनौट हुदै बागमती यूवा क्लव इतिहास रच्न सफल

ताजा / भरखरै प्राप्त

सर्लाही–‘सि’ डिभिजनमा छनौट हुदै बागमती यूवा क्लवले सर्लाहीको खेल इतिहासमा नयाँ रेकर्ड कायम गरेको छ ।जारी शहिद स्मारक ‘सि’ डिभिजन छनौट फुटवल प्रतियोगिताको समुह विजेता बन्दै बागमती यूवा क्लव सर्लाही ‘सि’ डिभिजनमा बढुवा भएको छ ।

मंगलवार एन्फा कम्प्लेक्स सातदोवाटोमा सम्पन्न खेलमा काभ्रे बोर्डर फुटवल क्लवलाई पराजित गर्दै बागमती ‘सि’ डिभिजनमा छनौट भएको हो । अखिल नेपाल फुटवल संघ (एन्फा)को आयोजनामा शहिद स्मारक ‘सि’ डिभिजन खेल संचालन भईरहेको थियो । आजको खेलमा बागमतीका सुमन राई, अबिनास स्यांतान(अवी) र अनिल राना मगरले एक/एक गोल गरे ।

बागमती यूवा क्लवले प्रतियोगिताको नकाउट चरण अन्तरगत गत २१ गते दुखामी धुलीखेल, २५ गते दुधौली, २७ गते नुवाकोट यूवा क्लवलाई र आजको खेलमा काभ्रेलाई पराजित गर्दै ‘बि’ समुह विजेता बनेको हो । यस्तै समुह ‘ए’ बाट गोल बजार यूवा क्लव समुह विजेता बन्दै ‘सि’ डिभिजनमा छनौट भएको छ । यस पटकको शहिद स्मारक ‘सि’ डिभिजन छनौटमा मधेश प्रदेश हावी भयो ।

मोफसलको प्रतिष्ठित प्रतियोगिता राजर्षि जनक कप आयोजना गर्दै आएको यस क्लवले स्थानीय स्तरमा ब्यवसायीक खेलाडि उत्पादनमा जोड दिदै आएको छ । क्लवले आफ्नो छुटै टिम तयार गरेर पारिश्रमीक सहित अनुवन्ध गरेर प्रशिक्षित गर्दै आएको छ । खेलाडिहरु यस पटक जसरी पनि ‘सि’ डिभिजनमा छनौट हुने लक्ष्य सहित मैदान उत्रीएका क्लवका सचिव कुमार प्रधानले जानकारी दिए ।

समुहका विजेता बन्दै ‘सि’ डिभिजनमा छनौट भएका दुई टिमले आगामी मंसिर १ गते फाईनल खेल खेल्ने छन् । बागमती यूवा क्लवमा २३ बर्ष मुनिको राष्ट्रिय टिमका सहायक प्रशिक्षक एंव क्लवका मुख्य प्रशिक्षक रोजित केसीको नेतृत्वमा टोलीले ‘सि’ डिभिजन छनौट प्रतियोगिता खेलिरहेको क्लवका अध्यक्ष किस्मतराज मैनालीले जानकारी दिए ।

प्रतियोगितामा सहज जित निकाल्दै सि डिभिजन छनौट यात्रा पर गरेको क्लवका अध्यक्ष मैनालीले प्रतिकृया दिए । ‘अघिल्लो सिजन छनौट खेल्न गएको भए पनि सफल हुन सकेका थिएनौ ।’ अध्यक्ष मैनालीले भने, ‘यस पटक जसरी पनि छनौट हुनुको हामी सगँ विकल्प पनि थिएन । छनौट पनि भयौ ।’

यता बागमती नगरपालिकाका मेयर भरत कुमार थापाले क्लवका सम्पुर्ण खेलाडि र टिमका सम्पुर्ण पदाधिकारीहरुलाई शुभकामना ब्यक्त गरेका छन् । खेल क्षेत्रको माध्यमबाट नगरको नाम देश विदेशमा फैलाउने लक्ष्यको एउटा खुड्किलो पारभएको भन्दै मेयर थापाले सम्पुर्ण खेलप्रेमीमा बधाई समेत ज्ञापन गरे ।

क्लवका सहायक प्रशिक्षको रुपमा सोनाम लामा रहेका छन् । देश भरीबाट ६२ टिम सहभागि ‘सि’ डिभिजन छनौट प्रतियोगिताबाट दुई टोली छनौट भएका हुन् । यस क्लवमा २० बर्ष मुनिका राष्ट्रिय टिममा पर्न सफल खेलाडि समेत समेटिएका छन्

spot_imgspot_img
spot_img

लोकप्रिय

Related Articles