Wednesday, February 21, 2024

सर्लाहीको चन्द्रनगरमा प्रथम सामा चकेवा उत्सव सम्पन्न

ताजा / भरखरै प्राप्त

चन्द्रनगर– सर्लाहीको चन्द्रनगरमा प्रथम सामा चकेवा उत्सव सम्पन्न भएको छ ।

चन्द्रनगर गाउँपालिका कार्यलयको आयोजनामा भएको प्रथम सामा चकेवा उत्सव मंगलवार सम्पन्न भएको हो । मिथिला सस्कृती अनुसार दाजु र बहिनिको प्रेमको प्रतिकको रुपमा लिईने यस पर्व मिथिला क्षेत्रमा बढो धुमधामका साथ मनाउने गरिन्छ । उत्सवको अवसरमा गाउँपालिका कार्यलयले विभिन्न कार्यक्रमहरु समेत आयोजना गरेको थियो ।

उक्त कार्यक्रममा उत्कृष्ठ हुनेहरुलाई पुरस्कार समेत प्रदान गरिएको गाउँपालिका कार्यलयले जनाएको हो । गाउँपालिकाका अध्यक्ष राजकुमार महतोको अध्यक्षतामा भएको समापन समारोहमा उत्सव प्रदर्शनीमा उत्कृष्ठ भएका समुहलाई नगद तथा प्रमाण पत्र समेत वितरण गरिएको थियो । संस्कार र सस्कृती पुस्ताहस्तान्तरणको लागि समेत यस्ता कार्यक्रम कोशेढुंगा सावित हुने पालिकाका अध्यक्ष महतोले बताए ।

सामा–चकेवा संस्कृती प्रदर्शनीमा क्रमश नवनिर्माण युवा क्लब खडकाटोल प्रथम, श्री युनाइटेड युथ क्लब खडकाटोल द्धितिय र श्री जनज्योती युवा क्लब चन्द्रनगर तृतिय भएको छ । उनीहरुलाई क्रमश १५ हजार, १० हजार र ७ हजार नगद सहित शिल्ड र प्रमाणपत्र समेत पालिका प्रमुख महतोले हस्तान्तरण गरे । संरक्षणको अभावमा सामा चकेवा पर्वका मौलिकता पछिल्लो समय हराउदै गएको जानकारहरुको भनाई छ ।

गाउँपालिकाको अग्रसरतामा संस्कृती संरक्षणको लागि भएको कार्यक्रमका स्थानीयले खुलेर प्रशंसा गरेका छन् । चन्द्रनगर–७ का स्थानिय ललिता चौधरीले गाउँपालिकाले पहिलो पटक समा–चकेवा उत्सव गरेर उदाहरणीय कार्य गरेको बताए । विभिन्न जातजातीको भेष भुषा सहित समा–चसकेवा उत्सवमा सहभागि हुन पाएकोमा उत्साहित बनेको चनकिया चौधरीले बताइन् ।

समा–चकेवा पर्व द्वितीया तिथि अर्थात छठको खरनाको दिन सुरुभई पूर्णिमा तिथिमा समापन गर्ने गरिन्छ । समा–चकेवा उत्सव पश्चात नाढिमन तालमा विधिवत रुपमा माटोको विभिन्न मुर्तिहरु बिसर्जन गरी पर्व समापन गरिएको थियो । सामा चकेवा दिदी–बहिनीद्वारा दाजुभाइको दीर्घायु, आरोग्य र ऐश्वर्य प्राप्तिको कामना सहित गरिने पर्व हो ।

spot_imgspot_img
spot_img

लोकप्रिय

Related Articles